Այսօր՝ ապրիլի 14-ին, «Մաքուր Հայաստան» նախաձեռնության շրջանակներում ողջ հանրապետությունում անցկացվեց համապետական շաբաթօրյակ, որին ակտիվորեն մասնակցում էր նաև Աբովյանը:
Աբովյանի կոմունալ ծառայության աշխատակիցները, ինչպես նաև բազմաթիվ անհատ քաղաքացիները առավոտ կանուխ ձեռնամուխ եղան քաղաքային միջավայրի մաքրման աշխատանքներին։ Վերջիններս ընթացան ինչպես առաջնային նշանակության ճանապարհային հատվածներում ու հիմնական փողոցներում, այնպես էլ բակային տարածքներում, քաղաքի ծայրամասային հատվածներում, դպրոցական, նախակրթական հիմնարկներում և այլուր։
Մեր համայնքի տարբեր թաղամասերի բնակիչները միասնաբար ներգրավվեցին առողջ ու մաքուր միջավայր կերտելու նախաձեռնությանը:
