Մայրության և գեղեցկության տոնի օրվան նվիրված միջոցառումների համատեքստում գեղեցիկ նախաձեռնությամբ են հանդես եկել Երևանի քաղաքապետարանի ենթակայության երաժշտական և արվեստի դպրոցների սաները: Նրանք Արամ Խաչատրյանի արձանի մոտ, Շառլ Ազնավուրի անվան հրապարակում, Հյուսիսային պողոտայում ֆլեշմոբերի տեսքով երաժշտական ողջույններ են հղել օրվա խորհրդով ու Երևանին նվիրված երգեր նվիրել անցորդ կանանց ու աղջիկներին:
