Աղջիկը` թրթիռ ոսկեզօծ օրվա ուլունքաշարին,
Ու՞ր է աղջիկը, մի՞թե մերկացավ` անտես մնալով
Ցանկության հորդուն և անապաստան ակնկալիքին...
Ուզում եմ դարձյալ կրկնվի պահը.
Հայացքս կտրի նրա կրծքերի աղեղնալարը,
Թեկուզ կրծկալը ինքն իրեն ընկնի,
Եվ այնպես ընկնի, ասես աստղ ընկնի:
Աղջիկը` թրթիռ ոսկեզօծ օրվա ուլունքաշարին:
Ու՞ր է աղջիկը, մի՞թե մերկացավ` անտես մնալով
Ցանկության հորդուն և անապաստան ակնկալիքին...