Loading...

Articles

ԿՈՏԱՅՔԻ ՄԱՐԶՊԵՏ Կ. ԳՈՒԼՈՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԿԱՆԱՆՑ ՏՈՆԻ ԿԱՊԱԿՑՈՒԹՅԱՄԲ

13:54, Thursday, 08 March, 2018
ԿՈՏԱՅՔԻ ՄԱՐԶՊԵՏ Կ. ԳՈՒԼՈՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԿԱՆԱՆՑ ՏՈՆԻ ԿԱՊԱԿՑՈՒԹՅԱՄԲ

Ջերմորեն շնորհավորում եմ Կանանց տոնի կապակցությամբ:
     Մարտի 8-ի նշանակալի առիթով ցանկանում եմ երախտագիտության ու գնահատանքի խոսքեր հղել բոլոր կանանց և մաղթել, որ գարնանային այս հրաշալի օրվան բնորոշ ողջ տոնականությունը մշտապես ուղեկցի նրանց:
     Հայ կինն իր տեսակով և նկարագրով բոլոր ժամանակներում եղել է մեր ազգային արժեհամակարգի ուրույն առանձնահատկությունների կրողն ու մշտապես ապացուցել իր բացառիկ կարևորությունը:
     Պատմական ամենատարբեր հատվածներում և ամենապատասխանատու հանգրվաններում մեր ժողովուրդը մշտապես զգացել ու զգում է կանանց յուրօրինակ ներկայության առանցքային դրսևորումները, որոնք արժանի են ամենայն հարգանքի:
     Տոնական այս օրվա առիթով ևս պետք է վստահաբար ընդգծենք, որ կնոջ դերն ու առաքելությունը, նվիրումը և հոգատարությունը համարվում են լավագույն հասարակություն կերտելու գլխավոր նախապայմանները:
     Դարձյալ շեշտելով կանացի առաքինության և բարության ինքնատիպ բնորոշումները՝ կրկին շնորհավորում եմ և բարեմաղթում անսահման երջանկություն:

Հարգանքներով

ՀՀ ԿՈՏԱՅՔԻ ՄԱՐԶՊԵՏ Կ. ԳՈՒԼՈՅԱՆ

Promote this post
The article published in the Spokesperson project.
Sign up and publish your articles.
Like
0
Dislike
0
2821 | 0 | 0
Facebook