Այսօր տեղի ունեցավ Պանարմենիան մեդիա դպրոցի երկրորդ սերնդի շրջանավարտների դիպլոմների հանձնման հանդիսավոր արարողությունը: Վեց ամիս տևած դասընթացների արդյունքում Պանարմենիան մեդիա դպրոցի սաները սովորել են հետևյալ մասնագիտությունները՝ հաղորդավարական աշխատանք, մոնտաժ, օպերատորական արվեստ, լրագրություն, պրոդյուսերական աշխատանք, սպորտային մեկնաբան, սցենարական աշխատանք: Մասնագիտությունների շարքը համալրվել է, և այժմ ընդունելություն է մեդիակոմերցիա, հեռուստատեսային դիմահարդարում և երգարվեստի ստուդիա մասնագիտացումներով:
Այս պահին ուսանողները պրակտիկայի փուլում են՝ յուրաքանչյուրն իր նախընտրած ուղղություններով: 120 ուսանողներից 25-ն այսօր աշխատում է հեռուստատեսությունում:
«Պանարմենիան մեդիա դպրոցը նախ ինձ տվեց գիտելիք, երկրորդը՝ լավ ընկերներ և ծանոթներ: Մինչև դպրոց գալը զբաղվում էի դիզայնով և իմացա, որ այստեղ կան նման դասընթացներ: Ընդունվեցի մոնտաժի կուրս, որից հետո էլ աշխատանքի անցա «Պանարմենիան Մեդիա Գրուպ» -ում՝ որպես դիզայներ», - BlogNews.am-ի հետ զրույցում պատմում է Նարեկ Խաչատրյանը:
Շարունակությունը՝
http://blognews.am/arm/news/525926/panarmenian-media-dproci-shrjanavartnerin-diplomner-handznecin.html
