Անգլիացի նշանավոր բնախույզ Հենրի Կավենդիշը մի անգամ իր լաբորատորիայում մի արտասովոր գիտափորձ է կատարում. նա երկու հաղորդիչների միջև ապակյա ձողիկ էր ներզոդել ու համառորեն ջանում էր լեյդենյան տարայից էլեկտրական լիցքն այդ ապակյա անոթի միջով մի հաղորդչից մյուս հաղորդչին փոխանցել: Որքան էլ զարմանալի է, բայց փորձի ընթացքում պարզվում է, որ եթե ապակին ինչպես հարկն է շիկացվի, ապա լիցքն ազարտորեն «կհոսի» այդ պատնեշի միջով: Գիտափորձի արդյունքից ոգևորված աշակերտները գիտնականին խորհուրդ են տալիս անպայման հոդված հրապարակել կատարված բացահայտման վերաբերյալ:
- Դա ոչ մեկին էլ չի հետաքրքրի, - պատասխանում է Կավենդիշը, - ախր ես ընդամենը ուզում էի պարզել, թե հնարավո՞ր է արդյոք ծույլ անբանին ինչ-որ մի կերպ հարկադրել, որ աշխատի, ջանք գործադրի: Գիտափորձը պարզեց, որ կարելի է: Միայն թե անհրաժեշտ է նրան անսովոր, շիկացման աստիճանի հասնող ծայրահեղ ծանր պայմանների մեջ դնել…
