եխիայի հավաքականի գլխավոր մարզիչ Միխալ Բիլեկը սեփական հարկի տակ Դանիայից կրած 0-3 հաշվով պարտությունից հետո հայտարարել է, որ հրաժարական կտա, եթե իր թիմը մարտի 26-ին Երևանում չհաղթի Հայաստանի հավաքականին:
«Այո, մենք պետք է հաղթենք, այլապես սա իմ վերջին հանդիպումը կլինի», - ասել է նա: - Այժմ մենք իսկապես շատ բարդ իրավիճակում ենք, առջևում շատ խաղեր կան և տեսականորեն հնարավոր է շտկել իրավիճակը, բայց մենք շատ միավորներ կորցրեցինք սեփական հարկի տակ: Ֆուտբոլիստները գիտեին, որ մեծ ճնշման տակ են և Բուլղարիայի հետ սեփական հարկի տակ ոչ-ոքիից հետո ցանկացած պարտությունը մեծ տհաճություն է: Մեր թիմը բազմիցս ցույց է տվել իր ուժը, եկեք անցյալում թողնենք այս վատ արդյունքը: Հիմա մենք պետք է ցույց տանք, որ կարող ենք դուրս գալ իրավիճակից»:
Հիշեցնենք, որ Հայաստան - Չեխիա հանդիպումը կկայանա մարտի 26-ին, Երևանի ժամանակով 20: 00-ին:
