Կապանի N13 հիմնական դպրոցում կայացավ ԾԽ առաջին սեմինար-պարապմունքը «Դաստիարակության դրական մոտեցումներ» ծրագրի շրջանակներում:
/ Դասընթացավարներ
Ռոզա Թևանյան, Անի Ավետիսյան/
Թեման՝ Երեխայի զարգացման առանձնահատկություններ
Ընտանեկան և դասարանական կանոններ
Նպատակները
ա/Ուղղորդել ծնողներին համատեղ քննարկելու դասարանական աշխատանքի սկզբունքները և որոշումների կայացման կարևորությունը:
բ/ Օգնել ծնողներին առավել լավ հասկանալ երեխաների հոգեբանությունը և պատժի հետևանքները, միաժամանակ զինելով նրանց այն գիտելիքներով և հմտություններով, որոնք անհրաժեշտ են դրական դաստիարակչական մոտեցումների ժամանակ:
Դասընթացավարները մասնակիցների կողմից առաջ քաշված յուրաքանչյուր հարցի շուրջ քննարկում անցկացրին և առաջնորդվեցին «Ողջ լսարանը» կամ «Մենք բոլորս» կանոնով: Մեր դասընթացավարները կարողացան ստեղծել դրական ուսումնական միջավայր, որտեղ ծնողները իրենց առավելագունս ներգրավված և արդյունավետ զգացին:
Հույս ունենք, որ այս պարապմունքների և համապատասխան միջոցառումների գործունեության օգնությամբ մեր երեխաները հնարավորություններ կունենան մեծանալ խրախուսող, դրական միջավայրում:
ՄԿԱ գծով փոխտնօրեն Ժաննա Վարդանյան
