Loading...

Articles

#ԵրևանՄարսել. Համագործակցություն առողջապահության ոլորտում

15:53, Monday, 27 November, 2017
#ԵրևանՄարսել. Համագործակցություն առողջապահության ոլորտում

Երևանի քաղաքապետ Տարոն Մարգարյանի գլխավորած պաշտոնական պատվիրակության կազմում Մարսելում գտնվող Երևանի «Սուրբ Աստվածամայր» բժշկական կենտրոնի տնօրեն Նիկոլայ Դալլաքյանն այցելել է Մարսելի հանրային աջակցության կլինիկա:

Հարկ է նշել, որ դեռևս 2013 թվականին Մարսելի քաղաքապետ Ժան-Կլոդ Գոդենի` Երևան կատարած պաշտոնական այցի ժամանակ ֆրանսիական այս կլինիկայի հետ «Սուրբ Աստվածամայր» բժշկական կենտրոնի կնքած գործընկերային համաձայնագրի շրջանակում երկու բուժհաստատությունները մինչ օրս ծավալել են բավականին արդյունավետ համագործակցություն: Եվ հաշվի առնելով սույն հանգամանքը, ինչպես նաև կնքված համաձայնագրի ժամկետի ավարտը, կողմերը պատրաստակամություն էին հայտնել շարունակելու համագործակցությունը՝ թարմացնելով համաձայնագիրը:
     Ըստ այդմ Երևանի «Սուրբ Աստվածամայր» բժշկական կենտրոնի տնօրեն Նիկոլայ Դալլաքյանը և Մարսելի «Հանրային աջակցություն-Մարսելի հիվանդանոցներ» բժշկական տարածաշրջանային ստորաբաժանման գլխավոր տնօրեն Ժան-Ժակ Ռոմատեն ստորագրել են գործընկերության երկարաձգման համաձայնագիր, որով պարտավորվել են շարունակել համագործակցությունը մանկական վիրաբուժության, օրթոպեդիայի, վնասվածքաբանության, ինտենսիվ թերապիայի և վերակենդանացման, ճառագայթաբանության և մի շարք այլ բնագավառներում, այդ թվում նաև պարբերաբար կազմակերպելով փորձի փոխանակումներ և վերապատրաստումներ:

Promote this post
The article published in the Spokesperson project.
Sign up and publish your articles.
Like
0
Dislike
0
2308 | 0 | 0
Facebook