Articles

Որպես այդպիսին չունեմ ինձ համար ընդգծված տղամարդու իդեալ, իսկ տղաների անհանգստացումներին նորմալ եմ վերաբերվում, ցանկացած իգական սեռի հանրային մարդ պիտի պատրաստ լինի դրան:
     Բնավորությանդ մասին քչերը գիտեն, քանզի ավելի շատ բեմից են տեսնում և միգուցե շատերին հետաքրքրի, թե ինչպես կնկարագրես ինքդ քեզ:
     Ամենաառաջինը կասեմ. աշխատասեր, շատ մեծ հուզական դաշտ ունեցող մի մարդ, վերջերս նաև «լացկան» մականունն եմ ձեռք բերել շատ մտերիմներիս շրջապատում:
     Ի՞նչ ես կարծում, որ դեպքում ստիպված կլինես հրաժարվել քո գործից: Արդյո՞ք ընտանիքը մեծ դեր կարող է խաղալ այս հարցում:
     Իհարկե, երբեք չէի ցանկանա կանգնել նման խնդրի առջև, քանի որ դա իսկապես խնդիր է ինձ համար, ես ընտանիքի մարդ եմ, սիրում եմ «ընտանիք» հասկացողությունը, բայց նաև իմ ընտրած մասնագիտությունն էլ եմ շատ սիրում, չէի ցանկանա այս պահին մտածել դրա մասին, միայն ադ մասին մտքերն արդեն ինձ անհանգստություն են պատճառում:
     Համաշխարհային աստղերից ո՞ւ մ հետ կուզեիր «դուետ» երգել: Կա՞ն այդպիսիք:
     Այո իհարկե, միշտ երազել եմ Ուիթնի Հյուսթոնի հետ դուետով հանդես գալ, ցավոք սրտի նա այլևս մեզ հետ չէ և դա մնաց ինձ համար չիրականացած երազանք, այս պահին շատ երգիչ-երգչուհիներ կան՝ Լիլի Ալոն, Սելահ Սյու, Լանա դել Ռեյ, այս երգչուհիներն ինձ համար ունեն հետաքրքիր ու տարբերվող տեսակ ։
     Ըստ քեզ, ո՞րն է ավելի կարևոր՝ սիրված, թե՞ ճանաչված լինելը:
     Միանշանակ սիրված լինելը: Շատ արտիստներ ունեն գումար, տաղանդ, և հայտնություն բայց սիրված չեն, այս դեպքում իրենց հայտնիությունը ոչ մեկին պետք չէ: