Հայտնի է դարձել հոլիվուդյան աստղեր Բրեդ Փիթի ու Անջելինա Ջոլիի ամուսնական արարողության վայրը: Աշխարհի ամենագեղեցիկ զույգերից մեկը կամուսնանա հիասքանչ Միրավել ամրոցում, որը գտնվում է Ֆրանսիայի սրտում` Պրովանս նահանգում:
The Daily Star-ի տվյալներով, այդ շինության վերակառուցման համար ծախսվել է մի քանի մլն դոլար: Փիթն ու Անջելինան իրենց երեխաների հետ մարտին արդեն այցելել են ամրոց:
Հարսանիքին հրավիրված են մինչեւ 300 հյուրեր: Նրանց թվում են Անջելինայի հայրը, հայտնի հոլիվուդյան դերասան Ջոն Վոյթը, ում հետ Անջելինան երկար ժամանակ չի շփվել, նաեւ Բրեդ Փիթի ծնողները` Բիլն ու Ջեյնը, նրա եղբայրը` Դագը եւ քույրը` Ջուլին, հաղորդում է NEWSru.com-ը:
Մոտ ժամանակներս Ջոլին, Փիթը եւ նրանց 6 երեխաները կտեղափոխվեն Ռիչմոնդ, Անգլիա, որտեղ կանցկացնեն երեք տարի:
Տեղի ընտրությունը կապված է Անջելինա Ջոլիի առաջիկա նկարահանումներով, գրում է The Sun-ը:
