Այսօր Հասմիկ Կարապետյանի ծննդյան օրն է: Երգչուհին նշում է ծննդյան 36-ամյակը, ինչի կապակցության դեռ գիշերվանից բազմաթիվ զանգեր ու շնորհավորանքներ է ստանում:
«Ամեն տարի էլ ծննդյանս օրը շատ լավ է անցնում, բազմաթիվ զանգեր, շնորհավորանքներ ու բարեմաղթանքներ եմ ստանում, բայց այս տարի մի տեսակ այլ է, շատ բուռն է, դեռ 11: 30-ից հեռախոսս մեկ վարկյան չի անջատվում ու մինչև հիմա էլ դեռ շարունակվում է զանգերի տարափը, նույնիսկ այնպիսի մարդիկ են ինձ շնորհավորում, որ զարմանում եմ, թե որտեղից են հիշում», - esyes.am-ի հետ զրույցում ասաց Հասմիկը:
Մինչ մեզ հետ զրույցն երգչուհին արդեն մի շարք անակնկալներ է ունեցել:
«Դեռ օրեր առաջ «Լայմ» հեռուստաընկերության հաղորդումներից մեկի անձնակազմն ինձ շատ հավես անակնկալ է մատուցել, նախ հրավիրեցին կարաոկե, որտեղ ինձ դիմավորեցին տորթով ու շամպայնով, որին էլ հաջորդեց մյուս նվերս՝ 3 օրյա հանգիստ Ծաղկաձորում: Իսկ այսօր առավոտյան ուղիղ եթերի էի, աշխատանքային ընկերներս էլի գաղտնի տորթ և շամպայն էին գնել. եթերից հետո նշեցինք: Շատ ուրախ է սկսվել օրս, տրամադրությունս բարձր է», -պատմեց երգչուհին:
Կա մեկն ով այս տարի առաջին անգամ է շնորհավորելու Հասմիկին, ում մասին, սակայն, երգչուհին այս պահին չի ցանկանում խոսել: «Կա մեկն ում զանգին դեռ սպասում եմ, նա այս տարի ինձ առաջին անգամ է շնորհավորելու, թե ով է նա հիմա չեմ ցանկանա մանրամասնել, բայց մի գուցե առաջիկայում անձնականումս փոփոխություններ լինեն», - հավելեց հոբելյարը:
Հասմիկից տեղեկացանք, որ այս տարի ճոխ ծնունդ չի ունեն, միայն ներկա կլինեն մտերիմ բարեկամները:
«Երեկոյան ինչ որ բան չեմ անելու, միայն մտերմ բարեկամներս կգան մեր տուն, իսկ ահա շաբաթ օրը քույրիկիս հետ կգնանք Ծաղկաձոր», - եզրափակեց երգչուհին:
esyes.am-ը միանում է բոլոր շնորհավորանքներին և նորանոր հաջողություններ մաղթում:
