«Նիհարելու համար լավագույն միջոցներից է վազքը: Ինչպես մյուս բոլոր վարժությունները, վազել պետք է կանոնավոր, քանի որ միայն այդ դեպքում ցանկալի արդյունքի կհասնեք:
Եթե իսկապես ցանկանում եք նիհարել, ապա անհրաժեշտ է հետեւել այս կանոններին.
Հարկավոր է վազել շաբաթը ոչ պակաս, քան երկու անգամ:
Հարկավոր է վազել մոտավորապես 6-7 կմ/ժ արագությամբ: Զարկերակը չպետք է գերազանցի ժամում 150 զարկը:
Եթե սկսնակ եք, պետք է սկսեք վազել 1-2 կմ/ժ արագությունից՝ մեկ ամսվա ընթացքում ծանրաբեռնվածությունը հասցնելով 3-4 կմ/ժ-ի:
Քրտնարտադրությունը մեծացնելու համար քամուց պաշտպանող հագուստ ընտրեք, որը խոնավությունը դուրս չի թողնում: Քրտինքի միջոցով օրգանիզմից հեռացվում է ավելորդ հեղուկը:
Սկսեք ճիշտ սնվել, ցանկալի է սննդակարգից բացառել յուղոտ, կծու ուտելիքը, քաղցրեղենը: Ձեզ անհրաժեշտ են առավելապես սպիտակուցներ, միրգ եւ բանջարեղեն:
Մեկ շաբաթից արդյունք մի սպասեք: Ձեզ ամիսներ են հարկավոր, որպեսզի փոփոխություններն իսկապես նկատելի դառնան»:
