Loading...

Articles

Handmade անկյուն Մարիամ Կարագոզյանից. հարսանեկան զարդ

21:43, Wednesday, 03 July, 2013
Handmade անկյուն Մարիամ Կարագոզյանից. հարսանեկան զարդ

«Բացառիկ հարսանեկան զարդեր կարելի է պատրաստել սեփական ձեռքերով: Այդ դեպքում դուք անկրկնելի եւ վառ տեսք կունենաք:

Եվ այսպես, զարդ պատրաստելու համար ձեզ անհրաժեշտ են տարբեր չափի մարգարտե ուլունքներ, կարելի է օգտագործել նաեւ արհեստական մարգարիտ: Դեռ վաղ ժամանակներից այն խորհրդանշում է անմեղություն, համեստություն, անկեղծություն, այդ պատճառով հենց մարգարիտն է հարսանեկան զարդի համար ամենից նախընտրելին:

Մարգարիտն անցկացրեք թելի վրա: Կարելի է հերթագայել վարդագույն եւ ճերմակ մարգարիտները: Դրանից հետո անցեք կախազարդ պատրաստելուն:

Խորհուրդ. զարդ պատրաստելուց առաջ հարկավոր է ուլունքներին բուսական յուղ քսել, իսկ 20 րոպե անց անձեռոցիկով լավ մաքրել: Այդ դեպքում դրանք վառ փայլ կունենան:

Կախազարդը կարելի է պատրաստել սրտի տեսքով, ինչպես նաեւ ուլունքներից ծաղիկ, տերեւ կամ ցանկացած այլ բան ստեղծել: Եթե ուլունքներով գործելու տեխնիկային ծանոթ եք, խնդիրն ավելի դյուրին կդառնա: Նման զարդեր պատրաստելիս կարեւոր են երեւակայությունը, նստելու համբերությունը եւ աշխատանքի հանդեպ ուշադրությունը: Կարելի է կիրառել մակրամեի տեխնիկան եւ հաստ արծաթե թելերից արտասովոր զարդ հյուսել: Այն կարող է զարդարել սանրվածքը կամ կախազարդի համար հիմք ծառայել:

Իսկ եթե որոշել եք երփներանգ ատլասե ժապավեններից գեղեցիկ ծաղիկներ պատրաստել, ապա կարող եք ձեր սանրվածքն ու զգեստը զարդարել գեղեցիկ վարդագույն ծաղկազարդերով: Այս մոտիվը բավական արդիական է: Հարսանեկան նորաձեւության շատ դիզայներներ զգեստների իրենց մոդելները զարդարում են վարդագույն ծաղկազարդերով կամ կտորից վարդերով»:

Promote this post
The article published in the Spokesperson project.
Sign up and publish your articles.
Like
0
Dislike
0
2503 | 0 | 0
Facebook