Articles

Չորրորդ դարի հռոմեացի (ծագումով հույն) պատմիչ Ամիանոս Մարսելինոսը, որը մասնակցել է պարսիկների դեմ Հռոմի պատերազմներին և հասել է մինչև Հյուսիսային Կովկաս, հետաքրքիր տեղեկություններ է հաղորդել ալանների՝ ներկայիս օսերի նախնիների մասին: Ահա թե ինչպես է պատմիչը բնութագրել այս ավազակաբարո ժողովրդին.

«Ինչպես խաղաղասեր ու հանգիստ մարդկանց համար հաճելի է հանդարտությունը, այնպես էլ նրանք (ալանները) վայելք են գտնում պատերազմներում ու վտանգներում: Նրանց հասարակությունում երջանիկ են համարվում նրանք, ովքեր մահանում են մարտում, իսկ նրանք, ովքեր ապրում են մինչև ծերություն և մահանում են բնական մահով, հետապնդվում են դաժան ծաղրով՝ որպես դուրսպրծուկներ ու վախկոտներ»: