Loading...

Articles

«Աստվածային վրիժառությունը հրաշքներ է գործում»

12:11, Sunday, 03 March, 2024
«Աստվածային վրիժառությունը հրաշքներ է գործում»

12-րդ դարի երկրորդ կեսին «Կատարներ» անունն ստացած քրիստոնեական աղանդը բավականին տարածում է ստացել Ֆրանսիայի հարավում և այնքան է հզորացել, որ կաթոլիկ եկեղեցին որոշել է վճռական պայքար մղել աղանդի դեմ և արմատախիլ անել այն: 1209 թվականի հուլիսին խաչակիր մոլեռանդները մեծ կորուստների գնով կարողացել են գրավել և հրի ու սրի մատնել աղանդի կենտրոնատեղիներից մեկը՝ Բեզիե քաղաքը, որտեղ նաև մեծ քանակությամբ կաթոլիկներ են ապրելիս եղել: Քաղաքին տիրելուց առաջ խաչակիրները պապի նվիրակ Առնո Ամորից հարցրել են, թե հերետիկոսներին կաթոլիկներից ինչպես տարբերեն: Պապական նվիրակը հետևյալ սահմռկեցուցիչ պատասխանն է տվել. «Սպանե՛ք բոլորին, Աստված յուրայիններին կճանաչի»: Երբ սպանդի ավարտից հետո նվիրակը հաշվել է, որ 20 հազար մարդ է կոտորվել, պապին գոհունակությամբ գրել է. «Աստվածային վրիժառությունը հրաշքներ է գործում»:
    
Նկարում՝ հուշատախտակ Բեզիեի Մադլեն եկեղեցու առջև՝ ի հիշատակ 1209 թվականի կոտորածի զոհերի:

Promote this post
The article published in the Spokesperson project.
Sign up and publish your articles.
Like
0
Dislike
0
487 | 0 | 0
Facebook