Ասում են՝ աշխարհի հեռավոր մի վայրում «Յուրաքանչյուրը», «Ինչ-որ մեկը», «Ցանկացածը», «Ոչ մեկը» անուններով մարդիկ են ապրում:
Երբ անհրաժեշտ է լինում ինչ-որ մի աշխատանք կատարել, Յուրաքանչյուրը միշտ համոզված է լինում, թե Ինչ-որ մեկն այդ աշխատանքը կկատարի, որ Ցանկացածը կարող է այդ աշխատանքը կատարել, բայց Ոչ-մեկը ոչինչ չի ձեռնարկում:
Իսկ Ինչ-որ մեկը զայրանում է, որ այդ աշխատանքը չի կատարվում, քանզի այն համոզմանն է, որ դա Յուրաքանչյուրի պարտականությունն է:
Յուրաքանչյուրը կարծում է, թե այդ աշխատանքը Ցանկացածը կարող է կատարել, բայց Ոչ մեկը չի հասկացել, որ Յուրաքանչյուրն այդ աշխատանքը չի կատարելու:
Վերջ ի վերջո, Յուրաքանչյուրը սկսել է մեղադրել Ինչ-որ մեկին, որ Ոչ մեկը չի կատարել այն աշխատանքը, որը կարող էր կատարել Ցանկացածը: