հին հունական աշխարհում հայտնի են եղել իրենց ծայրահեղ հարբեցողությամբ: Նրանց ժամանակակից հույներն ասում են, թե այս բյուզանդիոնցիները ապրել են պանդոկներում, իսկ իրենց տները վարձակալության են տվել իրենց քաղաք եկած օտարերկրացիներին: Նրանք նույնիսկ իրենց կանանց են չափավոր գնով վարձակալության տվել եկվորներին:
Քանի որ նրանք ամբողջ ժամանակ հարբած վիճակում են եղել, ապա սիրել են լսել միայն ֆլեյտայի նվագը, իսկ փողի ձայնը նրանց ունկին ամենևին հաճո չի եղել: Նրանք նաև հակակրանք են տածել զենքի ու պատերազմի նկատմամբ:
Մի անգամ, երբ թշնամիները պաշարել են Բյուզանդիոնը և նախապատրաստվել են վճռական գրոհի, քաղաքի պաշտպանները լքել են իրենց պահակակետերը և գնացել են պանդոկներում զվարճանալու: Քաղաքի զորքերի հրամանատար Լեոնիդասը կարգադրել է պանդոկներ բացել քաղաքի պարիսպների և ամրությունների վրա, իսկ քաղաքի ներսում գտնվող բոլոր պանդոկները հրամայել է փակել: Բյուզանդացիներն աստիճանաբար վարժվել են նոր պայմաններին ու չեն լքել իրենց դիրքերը, քանզի դրանք լքելու առիթն այլևս վերացված է եղել: