Հրեաները՝ զվարճապատումներում
Ռաբբի, ինչո՞ւ են բոլորն այն կարծիքին, թե հրեաները շատ հարուստ են: -Հավանաբար, այն պատճառով, որ հրեաներն ամեն ինչի համար հատուցում են: *** Մի շան քոթոթ են բերում սինագոգ և ռաբբիին խնդրում են կենդանուն թլպատել: -Ինչպե՞ս եք համարձակվում նման բան խնդրել: Չէ՞ որ սա սինագոգ է և ոչ թե անասնաբուժարան: -Հարյուր հազար եմ տալիս, - ասում է քոթոթի տերը: -Միանգանից պիտի ասեիք, որ քոթոթը հրեա է: *** Հավատացյալ հրեան ամբողջ ժամանակ աղոթելիս է եղել: Այդ ժամանակ ուժեղ ջրհեղեղ է սկսվել, և նա բարձրացել է տան կտուրը, որպեսզի շարունակի աղոթքը: Իսկ ջուրն ավելացել է: Փրկարարները նավակով մոտեցել են նրա տանը և առաջարկել են փրկվել: Բայց հրեան հրաժարվել է ու շարունակել է աղոթել՝ փրկարարներին ասելով, թե աստված իրեն կփրկի: Որոշ ժամանակ անց տանը լաստ է մոտեցել, որպեսզի հրեան վերջապես փրկվի: Բայց նա շարունակել է աղոթել՝ պնդելով, թե իրեն աստված փրկելու է: Վերջինը, որ տեսել է հրեան, ուղղաթիռն է եղել, որից ճոպանային սանդուղք է կախվել, որ նա փրկվի: Հրեան այդ օգնությունն էլ է մերժել՝ բացականչելով, թե Աստված իրեն կփրկի: Շուտով հրեան սուզվել է ու խեղդվել: Կանգնելով Աստծու առջև՝ հրեան հարցրել է, թե ինչո՞ւ իրեն չփրկեց: Եվ Աստված պատասխանել է. «Դու հիմարի մեկն ես: Ես երեք անգամ օգնություն ուղարկեցի, իսկ դու չհասկացար»: *** Կույր հրեան մտնում է ռաբբիի տուն և հարցնում. -Հիմա դու ի՞նչ ես անում: -Կաթ եմ խմում: -Կաթն ի՞նչ է: -Սպիտակ խմիչք է: Սպիտակն ի՞նչ բան է: -Կարապի նման մի բան է: Ծուռ պարանոցով թռչուն է կարապը, - ասում է ռաբբին ու ձեռքի թաթը ծռելով մոտեցնում է կույրին, որպեսզի նա շոշափելով պատկերացում կազմի, թե ինչպիսին է կարապը: Կույր հրեան մի լավ շոշափում է ռաբբիի ձեռնաթաթը և ուրախացած ասում. -Շա՛տ շնորհակալ եմ, ռաբե՛: Այժմ արդեն ես գիտեմ, թե ինչ տեսք ունի կաթը: *** -Ռաբե՛, այսօր ես հյուրեր ունեմ: Կարելի՞ է մի քիչ խոզի միս տապակել: -Բնականաբար՝ ո՛չ: -Ռաբե՛, բայց ես իմ ամբողջ կյանքում ցանկացել եմ գոնե մեկ անգամ խոզի միս համտեսել: Հյուրերս էլ են ուզում: -Ես ռաբբի եմ և այդ բանը չեմ կարող քեզ թույլ տալ: -Բայց ես վերջերս տեսա, որ դու խոզի միս ես ուտում: -Այո՛, կերա՛, բայց ես ոչ մեկից թույլտվություն չեմ խնդրել: *** -Ռաբբի՛, հավերս սատկում են: Ի՞նչ անեմ, որ չսատկեն: -Գետնին շրջան գծի ու ցորենը շրջանի մեծ նետիր: Հրեան շրջան է գծում, ցորենը շրջանի մեջ է նետում, բայց հավերը դարձյալ սատկում են: Նա նորից գալիս է ռաբբիի մոտ. -Էլի՛ սատկեցին, ի՞նչ անեմ: -Քառակուսի գծիր և ցորենը գցիր քառակուսու մեջ: Հրեան կատարում է հանձնարարությունը, բայց հավերը դարձյալ սատկում են: -Էլի՛ սատկեցին, ռաբբի՛, - ի՞նչ խորհուրդ կտաս: -Եռանկունի գծիր և ցորենը նետիր եռանկունու մեջ; Հրեան այս խորհուրդն էլ է կատարում, բայց հավերը նորից սատկում են: -Ռաբբի՛, այս անգամ բոլոր հավերս սատկեցին: -Ափսո՛ս, - ասում է ռաբբին, - դեռ քանի՜ տարբերակ ունեի: *** Մի աղքատ հրեա գալիս է ռաբբիի մոտ: -Փող չունեմ, որ կերակրեմ մանկահասկ երեխաներիս: Նրանք քաղցից կմեռնեն: Գոնե կաթի փող տուր: -Պարզ է: Գնա տուն, և կունենաս այն, ինչ ուզում ես: Հրեան հենց մտնում է տուն, նկատում է, որ իր կրծքին կաթով լի երկու ստինք է աճել: Նա կուշտ կերակրում է երեխաներին… երեք անգամ, բայց ստինքներն այդպես էլ մնում են կրծքից կախված: Անհանգստացած հրեան հաջորդ օրը գնում է ռաբբիի մոտ: -Հարգելի՛ս, ես քեզանից կաթի փող խնդրեցի և ոչ թե ստինքներ: -Գիտե՞ս ինչ, ինձ համար ավելի հեշտ է հրաշագործել, քան որևէ մեկին փող տալ: *** -Մոշե՛, ասա՛ ինձ, կնոջդ հետ երջանի՞կ ես: -Ճա՛րս ինչ, որ երջանիկ չլինեմ: *** -Ալո՛, Մոշեն տա՞նն է: -Առայժ տանն է: -Կարո՞ղ եմ ձեր տուն գալ: -Կարո՛ղ եք, բայց՝ արա՛գ…մեկ ժամ անց նրան դուրս ենք հանում: *** -Սառա՛, հիշո՞ւմ ես, ինչպես մենք Ստամբուլում ուշացանք վերջին գնացքից, և դու ձեռքս բռնել էիր: -Այո՛, ես միշտ բռնել եմ քո ձեռքը: -Հիշո՞ւմ ես, երբ ավարտվեց նէպ-ը, ինձ բանտարկեցին, և դու բռնել էիր ձեռքս: -Այո՛, ես միշտ բռնել եմ քո ձեռքը: Հիշո՞ւմ ես, երբ 37 թվին ինձ աքսորեցին, և դու բռնեցիր ձեռքս: -Այո՛, ես միշտ բռնել եմ քո ձեռքը: -Հիշո՞ւմ ես, ինչպես ինձ տարան, երբ «բժիշկների դատավարություն» -ը եղավ, և դու բռնել էիր ձեռքս: -Ես միշտ բռնել եմ քո ձեռքը: -Ինձ թվում է, իմ կյանքի բոլոր անախորժությունները նրանից եղան, որ դու միշտ բռնում էիր ձեռքս: *** Սա քո հարազա՞տ եղբայրն է: -Այո՛, բայց նա իմ հեռու ազգականն է: -Այդ ինչպե՞ս: -Ես առաջինն եմ ծնվել, իսկ նա մեր ընտանիքում տասնմեկերորդն է: *** Գիտե՞ս, հրեական հարսանիքի ժամանակ, համաձայն սովորույթի, փեսացուն չի կարող հարսնացուին համբուրել: -Ինչո՞ւ: -Որովհետև փեսացուի կողքին նստում է նրա մայրն ու ամբողջ ընթացում պահանջում է. «Կե՛ր, կե՛ր, կե՛ր»: *** Ճի՞շտ է որ ձեր աղջիկն ամուսնանում է: -Այո, աստիճանաբար: *** Հավատացյալ հրեան մահամերձ վիճակում պառկած է հիվանդանոցում: Նրա ընտանիքը հրավիրում է ռաբբիին, որ նրա կողքին լինի կյանքի վերջին րոպեներին: Երբ ռաբբին կանգնում է հիվանդի մահճակալի կողքին, նրա վիճակը կտրուկ վատանում է, և նա ձեռքերի դողդոջուն շարժումներով ցույց է տալիս, թե ուզում է ինչ-որ բան գրել: Ռաբբին սիրով նրան գրիչ ու թուղթ է տալիս: Հիվանդը մի կերպ խզբզում է թղթի վրա ու անմիջապես մահանում է: Ռաբբին որոշում է, որ այդ իրավիճակում հարմար չէ կարդալ մահացածի գրածը, ուստի ծալում է թուղթը և դնում է պիջակի գրպանը: Թաղման ժամանակ, երբ ռաբբին ավարտում է արարողությունը, հանկարծ հիշում է, որ հանգուցյալն իրեն երկտող էր հանձնել, որն ինքը դրել է պիջակի գրպանը: -Գիտե՛ք, - ասում է նա հուղարկավորության մասնակիցներին, - նա մահվանից անմիջապես առաջ մի գրություն տվեց: Ես այն դեռ չեմ կարդացել, բայց համոզված եմ, որ նա մեր բոլորի համար մխիթարության խոսքեր է հանձնել թղթի: Ռաբբին բացում է թուղթն ու կարդում է. «Ռաբբի՛, մի՛ կանգնիր թթվածնիս խողովակի վրա»: *** Ծեր հրեան մահամերձ է: Նրա սնարի մոտ կինն է՝ Սառան: Նա արդեն զգում է ամուսնու մոտալուտ մահը: Իսկ մահամերձը նրան ասում է. -Սառա՛, շուտով կմեռնեմ: Ուզում եմ, որ կատարես վերջին խնդրանքս: Ուզում եմ, որ, երբ ինձ տանեն թաղելու, դագաղիս մի կողքով դու քայլես, իսկ մյուս կողքով՝ վերջին սիրուհիս՝ Ռիվան: Դու նրան ճանաչում ես: Այդժամ ես հանգիստ խղճով այն աշխարհ կգնամ: Սառան բորբոքվում է. -Ուրեմն ուզում ես, որ ես դագաղի կողքով քայլեմ այդ պոռնիկի հե՞տ: -Այո՛, Սառա՛, դու պետք է կատարես խնդրանքս, եթե չկատարես, կանիծեմ: Սառան երկար մտածում է, ապա ասում. -Եղա՛վ: Ես կկատարեմ քո խնդրանքը, բայց նկատի առ, որ այդ թաղումն ինձ ոչ մի հաճույք չի պատճառելու: *** -Դվոյրա՛, մեր մորաքույրը մահացել է: Ահա՛ Ամերիկայից ուղարկված նամակը: -Ա՛խ, ինչպիսի՜ դժբախտություն, ինչպիսի՜ դժբախտություն; -Սպասի՛ր: Նա մեզ հինգ հազար դոլար է կտակել… -Թո՛ղ Աստված նրան առողջություն պարգևի: *** Դվոյրայի ամուսինը գործով այլ քաղաք է գնում: Հենց այդ ժամանակ մահանում է նրա քույրը: Դվոյրան այս դժբախտության լուրն ամուսնուն պետք է նրբանկատորեն հայտնի, քանի որ նա հիվանդ սիրտ ունի: Եվ Դվորյրան հետևյալն է հեռագրում ամուսնուն. «Սառան հիվանդացել է: Վտանգավոր չէ: Թաղումը չորեքշաբթի է լինելու»: *** Հանդիպում են երկու հրեա, և նրանցից մեկը մյուսին ասում է. -Լսե՞լ ես, Աբրամը մահացել է: Թաղմանը կգա՞ս: -Աբրամին ես նույնիսկ մի կարգին չեմ ճանաչել ու նաև չեմ հարգել: Չե՛մ գա: Բայց եթե դու մահանաս, անպայման կգամ: *** Փողոցով գնում է թաղման թափորը: Դագաղում կիսամեռ Ռաբինովիչն է: Դագաղին է մոտենում նրա ընկերը և հարցնում է. -Այս ի՞նչ է կատարվում: -Ինձ թաղում են, - պատասխանում է Ռաբինովիչը: -Բայց դու դեռ ո՛ղջ ես: -Բայց այստեղ ո՞ւմ է դա հետաքրքրում: *** Գրություն տապանաքարին. «Սառա՛, հիմա դու հասկացա՞ր, որ ես իսկապես հիվանդ էի»: *** Հրեան խաղատանն այնպիսի մոլուցքով է տարվում թղթախաղով, որ հենց սեղանի մոտ սրտի կաթվածից մահանում է: Մարդ են ուղարկում, որ կնոջը տեղեկացնի ամուսնու մահվան մասին: -Ես Կացմանի խաղատնից եմ: -Ամուսինս նորից խաղո՞ւմ է: -Այո՛, խաղո՛ւմ է: -Տանո՞ւլ է տալիս: -Այո՛, տանո՛ւլ է տալիս: -Երանի՛ սատկի: -Ձեր ցանկությունը կատարվել է: |