Խնդրում ենք սպասել...
Այսօր`  երեքշաբթի, 07 դեկտեմբերի, 2021 թ.
Վկոնտակտե

Հոդվածներ

Աստղերից պայծառ, Արևից հզոր…

09:51, ուրբաթ, 29 հոկտեմբերի, 2021 թ.
Աստղերից պայծառ, Արևից հզոր…
    
    
    

Թե ինչե՞ր տեսա մարդկային հոգում

թվաց կլռեմ երկա՜ր ժամանակ,

սակայն լուռ սիրո՜ւմ են,

իսկ բարձր ատո՛ւմ,

լուռ տառապո՜ւմ են –

բարձր անիծո՛ւմ,

Ես ո՛չ լռում եմ ու ո՛չ էլ գոչում-

Լո՜ւռ մտորում եմ, թե այս ո՞նց եղավ,

որ մարդ արարածի հոգին անապակ

դարձավ անապատ…


    

«Նարեկ» կարդացի բորենիներին,

երբ բորենիները մագիլներն էին սրում

ժայռերիս վրա,


    

Բուսակերության դասեր տվեցի

սոված առյուծին,

երբ առյուծն իր ագահ սոված աչքերով

եղնիկ էր փնտրում քերծերիս վրա:


    

Շրթունքս հպա՜ծ օձի շւրթերին

կյա՛նքս պատմեցի իմ հազարամյա անաղարտ լեզվով,

երբ օձը սողո՜ւմ էր դեպի տունը իմ

ուր զավակնե՜րս էին քնած անվրդով:


    

Այս վերջի՜ն տարում

այնքա՜ն բան տեսա մարդկային հոգում, որ

… արտասուք դարձա երկնքի կրծքին՝

վերից նայելով թվաբանական պրոգրեսիայի

խղճուկ օրենքով աճող փոսերին:


    

Ու մեկը չկա՜ր ողջ մոլորակում, որ ձե՛ռքս բռներ

կամ էլ սո՛ւր դներ՝

ձեռքս զբաղեցներ,

որ չթերթեի իմ Սուրբ էջերը մարդկային թերմացք թշնամու առաջ…


    

Ո՜ւ …

Չկա՜ր բանաստեղծը, որ պիտի գրեր,

թե համայն աշխարհի ամբիոնին թառա՜ծ -

լեզվով հայերեն Բլբուլն էր երգում,

…ու երգերում մա՜հ,

…ու երգերում ցա՜վ

…ու երգերում դա՜վ,

երբ հազարավոր չղջիկներ սոված

վրա տվեցին ու

Բլբուլն ընկա՜վ…


    

Ես սո՛ւր ստեղծեցի-

Սուրն ինձ կործանեց,

Ես բա՛ր ստեղծեցի՝

Բարը ինձ խեղդեց,

Օ՜ձ տաքացրեցի գրկումս սեղմած

ու հենց ինձ խայթեց

Օ՜ձը… իր կապույտ աչքերով անթարթ:


    

Վե՛ր կկենամ ընկած տեղից,

Ոտքի՛ վրա կկանգնեմ,

Արյան ծարավ ծե՜ր, անհեռատե՜ս վայրագներին

Դեռ բլբուլի իմ երգե՜րը կերգեմ:


    

Ուժ տվողն ինձ իմ վերքե՜րն են՝

թա՜րմ, սպիացա՜ծ, դարավո՜ր,

Հույսս հմուտ իմ ձեռքե՜րն են,

Աստվածային իմ մտքե՜րն են՝

Աստղերից պայծառ,

Արևից հզոր…


    
    
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
420 | 0 | 0
Facebook