Խնդրում ենք սպասել...
Թվիթեր

Հոդվածներ

ՀՀ մուտք գործելու ընթացակարգում փոփոխությունների վերաբերյալ

Ani
Հեղինակ`
Ani
14:26, չորեքշաբթի, 18 օգոստոսի, 2021 թ.
ՀՀ մուտք գործելու ընթացակարգում փոփոխությունների վերաբերյալ

ՀՀ կառավարության 2020թ. սեպտեմբերի 11-ի № 1514-Ն որոշման մեջ կատարված և 2021թ. մայիսի 17-ից ուժի մեջ մտած փոփոխությունների համաձայն.


    

Հայաստանի Հանրապետության տարածք մուտք գործելիս ներկայացվում է.

• կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ*, կամ

• կորոնավիրուսային հիվանդության (COVID-19) դեմ ամբողջական պատվաստված՝ երկու դեղաչափ, երկրորդ դեղաչափը երկիր մուտք գործելու օրվանից նվազագույնը 14 օր առաջ ներարկված լինելը հավաստող սերտիֆիկատ*։

• Բացասական թեստի կամ պատվաստման սերտիֆիկատ չի պահանջվում մինչև 1 տարեկան (0-ից մինչև 11 ամսական 29 օրական) երեխաների համար։

• Ռուսաստանի Դաշնության տարածքից Հայաստանի Հանրապետություն ժամանած անձանց կողմից սերտիֆիկատը (տեղեկանքը) ներկայացվում է «Путешествую без COVID-19» բջջային հավելվածի միջոցով:

• Օտարերկրացիների համար ՀՀ մուտքը շարունակում է բաց մնալ ինչպես օդային, այնպես էլ՝ ցամաքային ճանապարհով։

• Կորոնավիրուսային հիվանդությամբ (COVID-19) պայմանավորված՝ Հայաստանի Հանրապետության տարածքում կարանտինը սահմանված է մինչև 2021թ. հուլիսի 11-ը։


    

ՀՀ քաղաքացիները որ երկրներ կարող են մուտք գործել


    

Գերմանիա - ԳԴՀ դաշնային կառավարությունը կիրակի՝ 2021թ. հուլիսի 4-ից, ժամը 0: 00-ից (CET) դադարեցրել է Հայաստանից Գերմանիա մուտք գործելու վերաբերյալ բոլոր սահմանափակումները: Ըստ այդմ՝ այդ ամսաթվից սկսած՝ կրկին թույլատրվում է Հայաստանում մշտական բնակություն կամ կացություն ունեցող անձանց մուտքը Գերմանիա՝ ճամփորդական բոլոր հիմքերով: Օդային ճանապարհով երկիր մուտք գործելու համար պահանջվում է կովիդ-թեստի, ապաքինման կամ պատվաստման ապացույց:


    

Բելառուս - Սահմանը հատելու ռեժիմը

Բելառուսի Հանրապետության տարածք մուտք գործելու համար Հայաստանի Հանրապետության քաղաքացիները պետք է պարտադիր ունենան 72-ժամյա PCR-թեստի պատասխան։

Տարանցիկ ուղևորները օդանավակայանում պետք է սպասեն բացառապես «տարանցիկ գոտում» (այլապես՝ անհրաժեշտ է ներկայացնել թեստի պատասխանը և ինքնամեկուսանալ՝ անկախ հաջորդ թռիչքի օրից և ժամից): Ցամաքային սահմանով անցնող տարանցիկ ուղևորներին տրվում է 24 ժամ՝ մինչև Բելառուսի Հանրապետության տարածքից դուրս գալը:

Բացառություն՝ դիվանագիտական անձնագրեր կրողները


    

Բրազիլիա - Բրազիլիայի կառավարության 2021թ․ հունիսի 23-ի № 655 որոշման համաձայն կորոնավիրուսային հիվանդությամբ (COVID-19) պայմանավորված՝ արգելվում է օտարերկրացիների մուտքը Բրազիլիա ցամաքային և ջրային ճանապարհներով։


    

Միևնույն ժամանակ բոլոր օտարերկրացիները կարող են մուտք գործել երկիր օդային ճանապարհներով՝ բացառությամբ այն թռիչքների, որոնք սկիզբ են առնում Մեծ Բրիտանիայից, Հարավաֆրիկյան Հանրապետությունից և Հնդկաստանի Հանրապետությունից կամ տրանզիտ են իրականացնում այդ երկրների տարածքով։ Արգելված է նաև այն օտարերկրացիների մուտքը, ովքեր վերջին 14 օրվա ընթացքում այցելել են Մեծ Բրիտանիա, Հարավաֆրիկյան Հանրապետություն կամ Հնդկաստանի Հանրապետություն։


    

Բրազիլիայի տարածք օդային ճանապարհով մուտք գործելու համար անհրաժեշտ է դեպի Բրազիլիա թռիչքն իրականացնող ավիաընկերությանը ներկայացնել կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ: Սերտիֆիկատը պետք է լինի պորտուգալերեն, իսպաներեն կամ անգլերեն լեզվով։

12 տարեկանից ցածր երեխաները ՊՇՌ հետազոտության կարիք չունեն, եթե նրանց ուղեկցում են նշված հետազոտությունն անցած ծնողները կամ օրինական ներկայացուցիչները։


    

Բուլղարիա - ԲՀ առողջապահության նախարարի РД-01-547/30.06.2021թ․ թվակիր հրամանով 2021թ. հուլիսի 1-31-ն ընկած ժամանակահատվածի համար սահմանվում է, որ նարնջագույն գոտում գտնվող երկրներից (այդ թվում Հայաստանի Հանրապետությունից) ժամանող անձինք Բուլղարիա մուտք գործելիս պետք է ներկայացնեն պատվաստման, Covid-19-ով հիվանդացած լինելու կամ կատարված թեստի մասին ԵՄ Covid թվային վկայական կամ նույնաբովանդակ այլ փաստաթուղթ


    

Եգիպտոս - Օտարերկրացիների համար մուտքի/ելքի սահմանափակումները գործում են միայն ՊՇՌ թեստի դրական պատասխանի պարագայում: Եգիպտոս ժամանող բոլոր օտարերկրացիները պետք է ունենան վարակակիր չլինելու մասին տեղեկանք (ՊՇՌ թեստի բացասական պատասխան*) տրված ոչ ուշ քան երկիր մեկնելուց 72 ժամ առաջ։


    

Չերնոգորիա - Oտարերկրյա քաղաքացիները կարող են երկիր մուտք գործել ներկայացնելով՝ (COVID-19) ախտորոշման ՊՇՌ կամ անտիգեն հետազոտության բացասական արդյունքը հավաստող առավելագույնը 48 ժամ վաղեմության սերտիֆիկատ:


    

Վրաստան - ՀՀ քաղաքացիների համար օդային և ցամաքային ճանապարհներով մուտքը Վրաստան բաց է։

- վերջին 72 ժամվա ընթացքում արված PCR թեստի բացասական պատասխանի առկայության

կամ

- պատվաստման ամբողջ կուրսն (երկու դեղաչափ) անցնելու և միաժամանակ PCR թեստի բացասական պատասխանի առկայության դեպքում։


    

Խորվաթիա - Խորվաթիա ժամանող քաղաքացիները (անկախ նրանց քաղաքացիությունից) կարող են մուտք գործել Խորվաթիայի տարածք ներկայացնելով՝

(COVID-19) ախտորոշման ՊՇՌ կամ անտիգեն հետազոտության բացասական արդյունքը հավաստող առավելագույնը 48 ժամ վաղեմության սերտիֆիկատ:

Կորոնավիրուսային հիվանդության (COVID-19) դեմ ամբողջական պատվաստված՝ երկու դեղաչափ, երկրորդ դեղաչափը երկիր մուտք գործելու օրվանից նվազագույնը 14 օր առաջ ներարկված լինելը հավաստող սերտիֆիկատ:

Աղբյուրը` Legitimus
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
353 | 0 | 0
Facebook