Խնդրում ենք սպասել...
Այսօր`  երեքշաբթի, 03 օգոստոսի, 2021 թ.
Օդնոկլասնիկի

Հոդվածներ

Ինչպես ընտրել ջրահեռացման համակարգի ամենահարմար տարբերակը

Հովհաննես
Հեղինակ`
Հովհաննես
17:00, երեքշաբթի, 20 հուլիսի, 2021 թ.
Ինչպես ընտրել ջրահեռացման համակարգի ամենահարմար տարբերակը

Ջրահեռացման համակարգերը կարևոր դեր ունեն շենք-շինությունների ավտանգության ու երկարակեցության հարցում: Եթե բազմաբնակարան կամ հասարակական նշանակության կառույցների դեպքում ջրահեռացման համակարգի ընտրության ու մոնտաժման հարցը կառուցապատողների խնդիրն է, ապա առանձնատների և տարաբնույթ սեփական շինությունների դեպքում ջրահեռացման համակարգեր ընտրելը հիմնականում սեփականատիրոջ խնդիրն է: Ուստի անհրաժեշտ է ծանոթ լինել գործի նրբություններին՝ հարցին ճիշտ լուծում տալու համար:

Նշենք, որ շինության տեսակից, ինչպես նաև ֆինանսական միջոցներից կախված՝ ջրահեռացման համակարգի ամենահարմար տարբերակը յուրաքանչյուր դեպքում կարող է տարբեր լինել: Ուստի ներկայացնենք տարածված համակարգերն՝ իրենց առանձնահատկություններով, իսկ ընտրությունը կատարեք ինքնուրույն:

Ամենասկզբում՝ նյութի ընտրություն: Թեև ջրահեռացման համակարգ ասելիս անմիջապես պատկերացնում ենք մետաղյա խողովակներ, սակայն այսօր շինանյութի շուկայում առաջարկվում են նաև պլաստիկե ջրատար խողովակներ, որոնք համարվում են ավելի մատչելի այլընտրանք: Վերջիններս պատրաստվում են մոդիֆիկացված պլաստիկից, որը ցրտից չի փխրունանում և կարող է դիմանալ մեծ ծանրաբեռվածությանը: Մետաղական ջրատար խողովակները հիմնականում լինում են ալյումինե, ալյուցինկե, ցինկապատ, պողպատե և հատուկ պոլիմերային ծածկույթով: Ավելորդ կլինի նշել, որ մետաղյա խողովակները մի քանի անգամ ավելի երկարակյաց են պլաստիկե համակարգերից:

Այս կամ այն նյութից պատրաստված խողովակներ ընտրելուց առաջ հաշվի առեք նաև տանիքի ծածկի նյութն ու նաև գույնը՝ շինության էսթետիկ տեսքը չփչացնելու համար:

Անդրադառնանք ջրահեռացման խողովակների ձևին: Մետաղական խողովակների վաճառք իրականացնող կետերում առկա են ջրահեռացման համակարգի հետևյալ տեսակները՝

- Կլոր: Այս դեպքում ջրատար խողովակները կլոր հատվածք ունեն, ավելի կոմպակտ են և հեշտությամբ են մոնտաժվում: Սա, թերևս, դասական տարբերակն է:

- Քառանկյուն խողովակներ ունեցող ջրահեռացման համակարգերն ավելի մատչելի են: Քառանկյուն խողովակներով ջրահեռացման համակարգ սովորաբար տեղադրվում է մեծ քանակությամբ անկյուններ և ելուններ ունեցող տանիքներում:

Չմոռանանք համալրող դետալների մասին: Եթե ջրահեռասման համակարգի նյութի ու ձևի հետ ամեն ինչ պարզ է, ընտրությունն էլ՝ կատարված, հիշենք, որ խողովակներից բացի, ճիշտ մոնտաժման և շահագործման հարցում կարևոր են համալրող դետալները՝ ջրատար հարմարանքները, ջրհորդանները, ձագարներն ու անկյունակները: Այս ամենը ձեռք բերելիս անպայման խնդրեք մասնագետներին, որպեսզի տրամադրեն անհրաժեշտ բոլոր դետալները՝ համակարգի լիարժեք մոնտաժումն ապահովելու համար:

Աղբյուրը` goldshin.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
276 | 0 | 0
Facebook