Հոդվածներ

Ամերիկացի հրաշամանուկ, աշխարհահռչակ մաթեմատիկոս, կիբեռնետիկայի հիմնադիր, հետադարձ կապի գաղափարի ձևավորող Նոբերտ Վիները (1894 - 1964) համաշխարհային պատմությանը հայտնի առավել մտացիր, առավել ցրված մաթեմատիկոսներից մեկն է եղել:

Պատմում են, թե մի անգամ նրան տեսել են պարապ նստած Մասաչուսեթսի տեխնոլոգիական ինստիտուտի գրադարանում: Նա մտքերով այնքան է տարված եղել, որ թվացել է, թե լիովին վերացած է իրականությունից: Իրեն տանջող հարցի պատասխանը պրոֆեսորից ստանալու կարիք զգացող մի ուսանող մոտեցել է Վիներին ու ասել.

«Ներեցե՛ք, պարո՛ն Վիներ…»:

«Վիներ» բառի վրա պրոֆեսորն անմիջապես աշխուժացել է ու արձագանքել.

«Շնորհակալությո՛ւն, շնորհակալությո՛ւն, ա՛յ հենց այդ անունն էի փնտրում»: