Հոդվածներ

     Վանաշենի միջնակարգ դպրոցում տեղի ունեցավ «Քո խիզախ անունը մեր սրտում է, մերօրյա հերոսն ես փառավոր» խորագիրը կրող հուշ-ցերեկույթը` նվիրված Արցախյան պատերազմում նահատակված ավագ սերժանտ, դիպուկահարների վաշտի հրամանատար Ավետիս Հակոբի Նահապետյանին, ով ապրեց, կռվեց ու անմահացավ` հանուն հայրենիքի, ով կյանքի ու մահվան պայքար մղեց, դարձավ հավերժի ճամփորդ։ Զոհվեց` հաղթանակը սրտում ու մտքում։
     Միջոցառմանը ներկա էին Արարատի մարզի, ԿԳՄՍ նախարարության պետ Հասմիկ Գասպարյանը, ՀՀ ՊՆ․ ՌՈ․ Արարատի բաժնի պետ Ռոլանդ Օղիկյանը, Արարատի մարզի տարածքային ստորաբաժանման ղեկավար, գնդապետ Ա․Հովսեփյանը, Արարատի զորամասի հետախուզական դասակի հրամանատար Վ․ Սահակյանը, անվտանգության և կոնֆլիկտոլոգիայի Եվրոպական ակադեմիայի նախագահ, դոկտոր-պրոֆեսոր Ս․ Հակոբյանը, Վեդիի Սուր Աստվածածին եկեղեցու հոգևոր հովիվ Տեր Հովակիմ Հարությունյանը, Վանաշեն համայնքի ղեկավար Արտաշես Գրիգորյանը, զոհվածի հարազատները և ծառայակից ընկերները։