Խնդրում ենք սպասել...

Հոդվածներ

Գիրք ամենակարևորի մասին. Մարիաննա Հակոբյանի «Կասկադ. 6.15» վեպը

Նիդերլանդական Օրագիր
Մամուլի խոսնակ`
Նիդերլանդական Օրագիր
01:42, երեքշաբթի, 04 մայիսի, 2021 թ.
Գիրք ամենակարևորի մասին. Մարիաննա Հակոբյանի «Կասկադ. 6.15» վեպը

Գիրք ամենակարևորի մասին. Մարիաննա Հակոբյանի «Կասկադ. 6.15» վեպը


    

Գրական-մշակութային կյանքը Հայաստանում շարունակում է առաջխաղացում ունենալ. ակտիվացել են գրքերի տպագրությունն ու դրանց վաճառքը:


     «Երևանյան բեսթսելեր» հեղինակային նախագծի շրջանակներում «Արմենպրես» լրատվական գործակալությունը հրապարակել է մարտ ամսվին ամենաշատը վաճառված գրքերի տասնյակը: «Կասկադ. 6.15» վեպը հայտնվել է լավագույն եռյակում:

«Նիդերլանդական Օրագրի» թղթակից Մարիամ Կիրակոսյանը, այս օրերին գտնվելով Երևանում, հանդիպել է «Կասկադ 6.15» գրքի հեղինակ, լրագրող, լրատվական մեկնաբան Մարիաննա Հակոբյանին և պարզել գրքի հաջողության գաղտնիքը:

«Կասկադ. 6.15» -ն ամենակարևորի մասին է. սիրո, վայելքի, սպասումի, երջանկության փնտրտուքի, հիասթափության, դավաճանության, գեղեցիկ կիսատության: Գիրքը սիրային եռանկյունու մասին է: Ամուսին-կին-սիրուհի, բայց ոչ սովորական, երեքն էլ խնդրին նայում են մի տեսանկյունից՝ Սիրո: Տարօրինակ է, բայց երեքն էլ սիրում ու հարգում են իրար ու ցավոտ, նվաստացուցիչ իրավիճակում անգամ չեն մեղադրում իրար, փորձում են գտնել՝ «ինչու» հարցի պատասխանը: Ինչու հասան այդ կետին, ովքեր էին, ինչ դարձան, ինչ էին երազում, ինչ' գտան: Հասկանալով, որ չկա կոնֆլիկտ չկա զարգացում՝ ամեն մեկն իր մեջ փնտրում է իրեն, հորինում ապրելու նոր իմաստ, ստեղծում նոր սպասում: «Ով եմ ես» հարցի պատասխանը նրանք չեն գտնում, որովհետև չեն ուզում ավարտվել, չեն ուզում սահմանափակել իրենց: Նրանք երազում են նույն բանի մասին՝ Հավերժության: Չկա մեղադրանք, չկա լաց, չկա նվնվոց, նրանք անբուժելի երազողներ են, որ հավաքում են գեղեցիկ պահեր ու մահը պատկերացնում են նույն կերպ՝գեղեցկությունից տրաքող սիրտ:

Գիրքը քաոսի ու կարգուկանոնի մասին է, հակասությունների, որ նույնն են ու փոխարինում են իրար: Խառն են, ծովի ալիքների պես մեկ առաջ են գալիս, մեկ հետ գնում, բռնում նույն ալիքը, հետո ընկնում տախտակից, ծովի ջուր կուլ տալիս: Չեն վախենում սիրել, սխալվել, ցավեցնել, երբեմն ծայրաստիճան անպտասախանատու են ու անտարբեր, նրանք մի բանից են վախենում՝ ձանձրույթից, կյանքն ուրիշի կանոններով ապրելուց:

Խորհուրդ չի տրվում ընթերցել ոչ էսթետ մարդկանց: Գիրքը կարելի է ձեռք բերել հայաստանյան գրախանութներից, շուտով նաև' առցանց:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
| | |
484 | 0 | 0
Facebook
COMMENT.am