Կալիֆորնիա նահանգի Լոս Անջելես քաղաքում տղամարդը կարող է իր կնոջը խփել կաշվե գոտիով, բայց այդ գոտին պիտի ունենա երկու մատնաչափից պակաս լայնություն, կամ էլ կինը պիտի համաձայն լինի, որ ամուսինն իրեն կարող է խփել երկու մատնաչափից լայն գոտիով:
Լոս անջելեսում անօրինական է համարվում ավտոմեքենայից որևէ մեկին կրակելը՝ բացառությամբ կետաձկանը:
Այս քաղաքում նաև արգելված է միևնույն լոգնոցում միաժամանակ երկու մանկիկ լողացնել:
Կալիֆորնիայի Փասիֆիք Գրոուվ քաղաքում թիթեռնիկի որսն արգելված է. կարգը խախտողի տուգանքը՝ 500 դոլար:
Փասադենա քաղաքում քարտուղարուհուն արգելված է գործատիրոջ հետ մենակ մնալ:
Այս քաղաքում նաև արգելված է մկան թակարդ լարել առանց որս կատարելն արտոնող վկայականի:
Լոնգ Բիչ քաղաքում մինի գոլֆ խաղալն անօրինական գործողություն է համարվում:
Սան Ֆրանցիսկոյում արգելված է մեքենան սրբել մաշված ներքնազգեստով:
Լոս Անջելեսի դատարանի սրահի վկաների հատվածում արտասվելն արգելված է:
Հյուսիսային Կարոլինա նահանգի Շարլոտ քաղաքում կանայք պարտավոր են ծածկված լինել առնվազն 15 մետր կտորով:
Այս նահանգի Էշվիլլ քաղաքում արգելված է փողոցում ցուցադրաբար փռշտալը:
Իսկ Հորնիթաուն քաղաքում արգելված է մերսման սրահների գործունեությունը:
Հյուսիսային Կարոլինայի օրենքները պահանջում են, որ միևնույն սենյակում գիշերող զույգերը պետք է իրարից առնվազն 60 սանտիմետր հեռու տեղադրված մահճակալներին քնեն, ու նաև արգելված է սեռական հարաբերությունը երկու մահճակալների միջակա հատակին:
Այս նահանգում նաև արգելված է սեռական հարաբերությունը եկեղեցու բակում:
Հարավային Կարոլինա նահանգում արգելված է ձիերի մուտքը պանդոկ՝ բացառությամբ այն ձիերի, որոնք տաբատ են կրում:
Կոլորադո նահանգի Դյուրադո քաղաքում արգելված է փողոց դուրս գալ այնպիսի հագուստով, որն ընդգծում է տվյալ անձնավորության սեռական օրգանը:
Այս նահանգի Լոգան շրջանում արգելված է քնած կնոջը գրկելը:
Իսկ Պուեբլո քաղաքում արգելված է խատուտիկ (օդուվանչիկ) ծաղկի ծլարձակումը քաղաքի սահմաններից ներս:
(շարունակելի)