Խնդրում ենք սպասել...

Հոդվածներ

Հոգնեցի սրանց սուտզրույցներից

00:49, երեքշաբթի, 12 հունվարի, 2021 թ.
Հոգնեցի սրանց սուտզրույցներից
    
Հոգնեցի սրանց սուտզրույցներից,
Էս փուչ աշխարհից հոգնեցի, ավաղ,
Չափական տողիս վանկ ու ոտքերից
Եվ վերջնամերձի էս ցավից՝ անվաղ:
Միանձնությունս թե դնեմ մի կողմ
Ու մեր ու մանուկ՝ ամենն, ուրանամ,
Դաղելուց հետո թաքուն, թե անքող
Էս հնհնուքին էլ ո՞նց դիմանամ:
Մեռելոտի են մարդ ու մարգարե,
Երկչոտի մոտ են քաջերն աներկյուղ,
Հիմքը չփորած քանի խամքարեմ
Դյուցազնավեպից չգրված մի ճյուղ:
Վիրապ ու բարձունք աչքի թարթի պես
Պեծին տալով են մշուշը հատում,
Սղնախից էլ ո՞նց աստղերին դիպչես,
Երբ համար մեկ է և չես աղոթում:
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3383 | 0 | 0
Facebook