Խնդրում ենք սպասել...

Հոդվածներ

Մշտադիտարկում՝ Գավառի պետական համալսարանում

14:06, երկուշաբթի, 30 նոյեմբերի, 2020 թ.
Մշտադիտարկում՝ Գավառի պետական համալսարանում

Մասնագիտական կրթության որակի ապահովման ազգային կենտրոնը (ՈԱԱԿ) այսօր որակի ներքին ապահովման համակարգի մշտադիտարկում է իրականացնում Գավառի պետական համալսարանում (ԳՊՀ) ։

ՈԱԱԿ մասնագետներն առցանց հանդիպումների ընթացքում դիտարկելու են, թե ինչպես է ազդել հավատարմագրումը բուհի որակի ապահովման համակարգի վրա, արդյունքում ինչ փոփոխություններ են տեղի ունեցել և ինչպես ենք այդ փոփոխությունները դրսևորվել տարբեր ոլորտներում։ Կկարևորվի նաև, թե ինչպես են բուհի կառավարման և որակի ապահովման համակարգերն արձագանքել առցանց կրթությամբ առաջացած մարտահրավերներին։

Այդ նպատակով հանդիպումներ տեղի կունենան բուհի ռեկտորի և պրոռեկտորների, ամբիոնների վարիչների, որակի ապահովման բաժնի պատասխանատուների, պրոֆեսորադասախոսական կազմի և ուսանողների ներկայացուցիչների հետ։

Նշենք, որ ՈԱԱԿ-ը կարևորում է մշտադիտարկումը որպես ՄՈՒՀ-ի հետ համագործակցության միջոց․ այն հնարավորություն է տալիս պարզաբանելու առկա խնդիրները և դիտարկելու ուսումնական հաստատության առաջընթացը։ Մշտադիտարկումներ իրականացվում են թե ինստիտուցիոնալ հավատարմագրում ունեցող, թե դեռևս ինստիտուցիոնալ հավատարմագրում չանցած ուսումնական հաստատություններում։

Աղբյուրը` www.anqa.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2766 | 0 | 0
Facebook