Լույս է տեսել Տեր Հեթում քահանա Թարվերդյանի «Պղնձահանքի Սուրբ Աստվածածին վանքը» գիրք-ալբոմը։ Գրքում հեղինակը խոսում է Պղնձահանքի Ս. Աստվածածին վանքի կառուցման պատմության, ինչպես նաև Ս. Աստվածածին վանքի նոր շրջանի և պատմաճարտարապետական նկարագրության մասին:
Գիրք-ալբոմը հրատարակվել է Ախթալայի Սուրբ Աստվածածին վանքի վերաբացման 30-ամյակի առթիվ: Աշխատությունը լույս է տեսել Ախթալա համայնքի երկու նվիրյալ զավակ Արթուր Դավթյանի և Օլյա Սոխակյանի մեկենասությամբ:
Գիրք-ալբոմի լուսանկարների հեղինակներն են Գևորգ Փոլադյանը և Դավիթ Ավագյանը: Գիրքը լույս է տեսել «Էդիթ Պրինտ» հրատարակչությունում, 500 օրինակ տպաքանակով: