Խնդրում ենք սպասել...
Այսօր`  շաբաթ, 26 սեպտեմբերի, 2020 թ.

Հոդվածներ

Մինչև ե՞րբ պիտի հերոսացնենք ազգի տականքներին, իսկ նվիրյալներին` անտեսենք ու ջնջենք. Լիլիթ Հովակիմյան

00:57, երեքշաբթի, 11 օգոստոսի, 2020 թ.
Մինչև ե՞րբ պիտի հերոսացնենք ազգի տականքներին, իսկ նվիրյալներին` անտեսենք ու ջնջենք. Լիլիթ Հովակիմյան

Ռեֆորմիստների կուսակցության խորհրդի անդամ Լիլիթ Հովակիմյանն իր ֆեյսբուքյան էջում գրում է. «Մինչև ե՞րբ պիտի հերոսացնենք ազգի տականքներին, իսկ նվիրյալներին` անտեսենք ու ջնջենք:
     Լևոն Շանթի նման հեղափոխական երիտհայերի օգնությամբ 1908թ տեղի ունեցավ երիտթուքական հեղաշրջումը: Երիտթուրքերը գահընկեց արեցին սուլթան Աբդուլ Համիդ 2-ին: Ու քանի որ Պոլսի պատրիարքը դիտարկվում էր որպես «Համիդի հետ համագործակցող անձ», երիտհայերը ներխուժեցին Պոլսի պատրիարքություն և պատրիարքին ծեծելով դուրս գցեցին այդտեղից: Երիտթուրքերն եկան իշխանության գլուխ, որի արդյունքում 1915-ին իրականացրեցին Մեծ Եղեռնը:
     Այնուհետև Լևոն Շանթի նման հեղափոխականներն «իրենց սրբազան առաքելությունը» իրականացրած, անցան Անդրկովկաս՝ ցարիզմի դեմ արշավելու:
     Լևոն Շանթի 1909-ին գրած հակաեկեղեցական-հակակրոնական «Հին աստվածներ» -ը մեծ տարածում գտավ հեղափոխականների շնորհիվ, քանի որ Ռուսական կայսրությունում ևս հոգևորականները «իշխանության հետ համագործակցող տարրեր» էին դիտարկվում:
     Լևոն Շանթի նման հեղափոխականների ջանքերով Ռուսական կայսրությունը տապալվեց ու Հայաստանի 1-ին հանրապետությունը ևս, որը բռնակցվեց բոլշևիկյան Ռուսաստանին:
     Լևոն Շանթի նման հեղափոխական մի նվիրյալ գործակալի կողմից 1938-ին Խորեն Ա Հայոց Կաթողիկոսին խեղդամահ արեցին Մայր Աթոռի Վեհարանի իր բնակարանում:
     Այս ամենը պատմական փաստեր են, որոնց իսկությունը կարող եք ստուգել: Տարօրինակն այն է, որ Լևոն Շանթի նման հեղափոխական երիտհայն իր հակաեկեղեցական «Հին աստվածներ» դրամայով մինչ օրս ընդգրկված է Հայաստանի դպրոցների պարտադիր ուսումնական պլանում, իսկ փոխարենը պլանից դուրս են մղվում Օսմանյան կայսրության և Ցեղասպանության ժամանակաշրջանի մի շարք գրողներ ու ստեղծաագործություններ»:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
2991 | 0 | 0
Facebook
COMMENT.am