Խնդրում ենք սպասել...
Այսօր`  երեքշաբթի, 22 սեպտեմբերի, 2020 թ.

Հոդվածներ

Այսպե՜ս էլ ապրում ենք

11:32, չորեքշաբթի, 29 հուլիսի, 2020 թ.
Այսպե՜ս էլ ապրում ենք

* * *

Տանիքը տարել էր քամի՜ն՝

պատերը մնացել էին անտե՜ր, անաստվա՜ծ,

…Երբ հեռվից լսվեց մաշվա՜ծ մի աղոթք

պատերից միա՜յն մեկը դողաց…


    

* * *

Երբ Դո՛ւ ես տերը՝

Ես քեզ հնազանդ,

Երբ Ե՛ս եմ տերը - դու ինչո՞ւ չկաս…


    

* * *

«Ես ծաղիկներ եմ սիրում-

գեղեցի՜կ, հոտավե՜տ,

բայց ամե՜ն բան ունի իր ժամանակը…»

Ինքն իր հետ խոսո՜ւմ էր, փլիսոփայո՜ւմ

Սեղանին դրված դատարկ ծաղկամանը:


    

* * *

Սիրտս հարմարվո՜ղ է,

իսկ ես բնավ ո՛չ,

ինչպե՞ս ենք ապրում - ես չե՛մ հասկանում

Ուր որ գնո՜ւմ եմ ինձ հետ գալիս է՝

ներկայացնո՜ւմ եմ որպես

Ընկերոջ:


    

* * *

Այսպե՜ս էլ ապրում ենք՝

Դու քե՛զ համար

Ես՝ քեզնո՜վ:


    

Կարոտո՞ւմ ենք,

Դո՛ւ…չգիտե՜մ,

Իսկ ես՝ քեզ:


    

Կգա՜ մի օր, կհեռանա՜նք

Դո՛ւ…չգիտե՜մ,

Ես՝ քեզ հետ:


    
    
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
2733 | 0 | 0
Facebook
COMMENT.am