Lragir.info –ի «Բլից հարցեր» շարքի հերթական զրուցակիցը սիրված երգրուհի Հասմիկ Կարապետյանն է։
— Օրը սկսում եք — Իմ օրը տղայիս ծնվելուց հետո սկսվում է արևածագով՝ 05։30-06։00-ը, երեխաներիս արթնանալով և նրանց խնամքով
— Երազում եք... — Երազում եմ ընտանիքով ծովափնյա հանգստի մասին, ցանկալի է Հունաստանում
— Երբեք չեք ների — Երբեք չեմ ների մեջքից հարվածողին
— Ինչ գույն ունի աշխարհը ձեզ համար — Աշխարհն ինձ համար կանաչ է
— Հանգստի լավագույն ձևը — Ես նախընտրում եմ ծովափնյա հանգիստը
— Ում կյանքով կցանկանայիք 1 օր ապրել — Կցանկանայի մեկ օր ապրել թագուհու կյանքով
— Յուրահատուկ նվեր, որ ստացել եք — Ամենայուրահատուկ նվերը ինձ համար երգի տեսքով է եղել
— Սիրելի մուլտֆիլմը — Սիրելի մուլտֆիլմս «Ոսկե Անտիլոպա» ն է
— Որ կենդանուն եք ձեզ նմանեցնում — Ես ինձ նմանեցնում եմ Կալիբրի, ինքը փոքրիկ է, համովիկ և շատ-շատ գույներ ունի, գունեղ թռչուն է։ Եվ միանշանակ, ես կարծում եմ, արտաքնապես ես թռչունի նման եմ։ Մեկ-մեկ էլ ինձ նմանեցնում եմ կին բազեի․․․ չգիտեմ, աչքերի մեջ նմանություն կա․․․հայացքը․․․մի խոսքով ես թռչուն եմ
— Ի՞նչ խորհուրդ կտայիք դեռահաս աղջիկներին — Դեռահաս աղջիկներին խորհուրդ կտայի երբ որ մեծանան ժամանակից շուտ պլաստիկ վիրահատությունների չդիմեն և իրենց ներդաշնակ արտաքինը չփչացնեն
— Ամեն բան կտայիք միայն թե ունենայիք... — Ամեն ինչ կտայի միայն թե երեխաներս, ծնողներս, և ինձ մտերիմ մարդիկ միշտ առողջ լինեին և իմ կողքին
— Ձեր մասին սուտ որը բարկացրել է ձեզ — Իմ մասին լսված ամենաահավոր և իմ տեսակից շատ-շատ հեռու սուտը այն էր, երբ լսեցի, որ ինչ որ մի տեղ իմ մասին ասել էին, որ ես մեր օլիգարխներից ինչ-որ մեկի սիրուհին եմ, Տեր Աստված, այ դա էր ամենաահավորն ինձ համար
— Հավաքածուներ պահո՞ւմ եք — Երբեք ոչ մի հավաքածու չեմ պահել, համբերություն չունեմ դրա համար
— Աշխարհահռչակ երգիչ ում հետ կցանկանայիք դուետ ունենալ — Մեծ սիրով դուետ կունենայի Մաքս Ֆադեևի հետ, որպեսզի երգը ինքը գրեր, իսկ աշխարհահռչակ երգիչներից Սթինգի հետ մեծ սիրով կուզենայի զուգերգ
— Հարց, որ տալիս եք ինքներդ ձեզ — Արդյո՞ք հենց ինձ տրված առաքելությունն եմ կատարում
Սոնա Գիշյան
