Խնդրում ենք սպասել...

Հոդվածներ

Ապատեղեկատվության առաջացրած սարսափը

20:02, ուրբաթ, 12 հունիսի, 2020 թ.
Ապատեղեկատվության առաջացրած սարսափը
     Ապատեղեկատվությունը միշտ էլ ունակ է եղել հետևորդներ հավաքել ու խառնակություններ հրահրել:
     Կորոնավիրուսային համաճարակի այս թեժ շրջանում մեր երկիրն ամենաշատն է տուժում ապատեղեկատվության հսկայական հոսքից: Նկատի չունեմ իրարամերժ կարծիքները, ոչ էլ իրավիճակից դրդված իշխանական ու հակաիշխանական խաղերը: Հակաիշխանական վրիժառությունները, կեղծ ինֆորմացիաների տարածումը շատ ակնհայտ ու հասկանալի է:
     Խնդիրը միջազգային մամուլից վերցված ու թարգմանված նյութերն են: Մեր ժողովուրդը շատ թերահավատ ու ընկճվող է: Մենք արագ հավատում ենք յուրաքանչյուր անհեթեթության և սկսվում է հոգեբանական ճգնաժամը: Ընդամենը մի հավատացողից և տարածողից սկսվում է այս հիմար շղթայի ծավալումը:
     Օրինակ այն տարօրինակ ու աբսուրդային պատմության տարածումը ողջ համացանցում, որտեղ մի աղջիկ պատմում է թե ինչպես են վիրուսն իր և մի շարք այլ մարդկանց միջոցով աշխարհով մեկ տարածել:
     Ավելի աբսուրդային նորություն է այն, որ դեղատներում վաճառվող կորոնավիրուսի թեստերի միջոցով մարդիկ վարակվում են: Ոչ մեկին հայտնի չէ թե որտեղից են հայտնվում այս բացառիկ ինֆորմացիաները:
     Հորդորում եմ բոլորիդ ուշադրություն չդարձնել այս ամենին: Սա ուղղակի ինֆորմացիոն պատերազմ է, որտեղ միակ տուժողը դուք և ձեր հոգեկան ու նյարդային համակարգն եք: Կա'մ մի կարդացեք այս ամենը կա'մ էլ, կարդալու դեպքում, ուշադրություն մի' դարձրեք:
    

Սրանց հիմնական թիրախը սովորական մարդիկ են: Չէ որ հենց հասարակ ժողովուրդն է ստեղծում հասարակական կարծիքը: Այս ամենի հեղինակներին գտնել հնարավոր չէ: Դրանք կամ գերգաղտնի կազմակերպություններ են կամ էլ աղանդների նման հոգեորսներ:
    
    

Հ.Գ. Ի վերջո, մի' տարածեք այս անհեթեթ նյութերը ձեր սոցիալական ցանցերի էջերով: Նրանք հենց ձեզ օգտագործելով են հասնում իրենց նպատակներին:


    

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3254 | 0 | 0
Facebook