Ուղղակի ծիծաղելի է, որ բոլորիս օրական հազար անգամ հորդորում եմ պարբերաբար լվանալ ձեռքերը՝ վարակվելուց խուսափելու համար: Հավատացեք, միայն սա հաստատ օգուտ չի տա: Այն, որ մարդը լողանում է հազվադեպ ու հագուստն էլ հաճախ չի փոխում, ձեռքերը լվանալով ինչպես պետք է խուսափի վարակից: Սա սովետական ժամանակաշրջանից մնացած սովորություն է, որն ուղղակի աղետալի է: Այդ սերունդը գտնում է, որ կարիք չկա պարբերաբար լողանալ, կիրակին նրանց լողանալու օրն է: Սա սովետական դաստիարակության և մտածելակերպի հետևանքն է, այս մարդիկ մեղք չունեն: Պետք է հորդորենք, որ պարբերաբար լոգանք ընդունեն և նույն հագուստով երկար չմնան: Հագուստը ևս համարվում է վարակի աղբյուր: Եթե այդ հագուստով դրսում երկար զբոսնել եք, եղել եք աշխատավայրում, ապա տանը դա այլևս մի կրեք: Այս կանոններն անտեսելով դուք դառնում ենք վարակի տարածման աղբյուր:
Երբեմն լսում ենք կանանց, ովքեր բողոքում են որ իրենց երեխաները կամ հարսները ամեն օր լողանում են: Նրանք անկեղծորեն հավատում են որ դա ամենևին էլ պարտադիր չէ: Սա հին ու նոր բարքերի պատերազմն է: Ձեր երեխաները լրիվ ուրիշ ժամանակաշրջանում են ծնվել, դաստիարակվել ու սովորություններ ձեռք բերել: Մարդուն մի հալածեք հիգիենային և մաքրությանը հետևելու համար: Այս ամենը պետք է արմատախիլ անել մեր հասարակության մտածելակերպից: Հիգիենային պետք է առավելագույն հետևեն ծերերը կամ նրանց խնամակալները: Ծերերն ամենամեծ ռիսկայում գոտում են գտնվում:
Հ.Գ. Այնպես որ մոռանում ենք այն համոզմունքի մասին, որ մենք ամենամաքուր ու կոկիկ ազգն ենք ու սկսում ենք առանց երկմտելու պարբերաբար լողանալ, միայն ձեռքերը լվանալով խնդիրը չի լուծվի:
