ԱՄՆ Յուտա նահանգի մայրաքաղաք Սոլթ Լեյք Սիթին աշխարհին առավել հայտնի դարձավ 2002 թվականից, երբ հյուրընկալեց 19-րդ Ձմեռային Օլիմպիական խաղերի մասնակիցներին: Եվ այս հյուրընկալությունը պատահական չէր, որովհետև Սոլթ Լեյք Սիթին նաև Հիսուս Քրիստոսի վերջին օրերի սրբերի եկեղեցու նստավայրն է: Այս եկեղեցու անդամ մորմոններն են 19-րդ դարում հիմնել հիշյալ քաղաքը:
1847 թվականի հուլիսի 24-ին 148 մորմոններ հիմնում են այս նոր բնակավայրը և դրան Great Salt Lake City (Մեծ աղի լճի քաղաք) անունն են տալիս: Շուտով քաղաքում բնակություն են հաստատում Եվրոպայից գաղթածները, և 1852 թվականին քաղաքի բնակչության թիվն հասնում է 10 հազարի:
1848 թվականին Սոլթ Լեյք Սիթիին և նրա շրջակա ամբողջ տարածքը Մեքսիկան զիջում է ԱՄՆ-ին: Բայց ԱՄՆ-ը միայն 1896 թվականին է իր կազմում պաշտոնապես ընդունում քաղաքն ու դրա շրջակա տարածքից կազմավորված Յուտա նահանգը, որովհետև այդ ժամանակ է այստեղ պաշտոնապես արգելվել բազմակնությունը:
Ներկայում Սոլթ Լեյք Սիթիի ավելի քան 200 հազար բնակիչների մոտ 45 տոկոսն է մորմոն:
Նկարում՝ Սոլթ Լեյք Սիթիի դրոշը 1960-ականներին:
