Հայաստանի հավաքականի և «Արսենալի» ֆուտբոլիստ Հենրիխ Մխիթարյանը, որն այժմ վարձակալությամբ հանդես է գալիս «Ռոմայի» կազմում, իր ինստագրամյան էջում հիշել է 2017 թվականին Ստոկհոլմում կայացած Եվրոպա լիգայի եզրափակիչը։
Հիշեցնենք, որ եզրափակիչում մրցում էին Ամստերդամի «Այաքսն» ու «Մանչեսթեր Յունայթեդը» ։ Հայ կիսապաշտպանը պաշտպանում էր մանկունիական ակումբի գույները։ Մխիթարյանը ոչ միայն մասնակցեց հանդիպմանը, այլև խփեց իր թիմի երկու գոլերից մեկը, ընդ որում՝ շատ գեղեցիկ հարվածով։ Արդյունքում «Մանչեսթեր Յունայթեդը» հաղթեց 2-0 հաշվով՝ դառնալով մրցաշարի չեմպիոն։
Հանդիպումը տեղի է ունեցել 2017 թվականի մայիսի 24-ին՝ 3 տարի առաջ՝ այս օրը։ Այդ օրը Հայաստանի հավաքականի առաջատարը նվաճեց իր առաջին և դեռևս միակ եվրագավաթը։