Խնդրում ենք սպասել...

Հոդվածներ

Թավրիզի բնակիչները, մոխիր ու ավազ նետելով բռնակալի վրա, ցանկացել են ասել, թե նա երկիրն անապատի է վերածել

19:24, հինգշաբթի, 21 մայիսի, 2020 թ.
Թավրիզի բնակիչները, մոխիր ու ավազ նետելով բռնակալի վրա, ցանկացել են ասել, թե նա երկիրն անապատի է վերածել

Մելիք-Աշրաֆի դաժան լուծը թոթափելու համար Թավրիզի բնակիչները պատվիրակություն են ուղարկում Ոսկե Հորդայի տիրակալ Ջանիբեկ խանի մոտ: Նկարագրելով իրենց անելանելի կացությունը՝ նրանք աղերսում են արշավանք կազմակերպել Աշրաֆի դեմ և իրենց ազատել տառապանքներից:

1357 թվականի սկզբներին, օգտվելով պատեհ առիթից, Ջանիբեկը ներխուժում է Ատրպատական: Մելիք-Աշրաֆի զորքերը լքում են դաժան բռնակալին: Նա ստիպված է լինում, ընդամենը երկու հավատարիմ ծառայի ուղեկցությամբ, փախչել Մարանդ, ապա՝ Խոյ: Բայց Խոյում նրան բռնում են և հանձնում Ջանիբեկին:

Երբ Աշրաֆին տանում են Թավրիզի փողոցներով, տների տանիքներին բարձրացած բնակչությունը մոխիր և ավազ է նետում նրա վրա՝ այդ կերպ ցանկանալով ասել, թե նրա կառավարման տարիներին երկիրն անապատի է վերածվել: Հետո, բնականաբար, այս արյունռուշտ բռնակալին մահապատժի են ենթարկում, և նրանով ավարտվում է Չոբանյան դինաստիան:

Նկարում՝ 16-րդ դարի Թավրիզի քարտեզը:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3556 | 0 | 0
Facebook