Հոդվածներ

Հոլանդահայերը նշեցին Հիշատակի և Ազատության օրը

Հոլանդացիները Հիշատակման այս օրը հարգանքի տուրք են մատուցում 2-րդ աշխարհամարտում և այլ կոմֆլիկտներում զոհվածների հիշատակին:

Մայիսի 4-ին՝ ամեն տարի Միդելհարնիսիում Հոլանդահայ կազմակերպությունների ֆեդերացիան Հայաստանի դեսպանության ու տեղական իշխանությունների հետ համատեղ, մշտապես այցելել ու ծաղիկներ են խոնարհել Երկրորդ Համաշխարհային պատերազմի ժամանակ զոհված հայորդիների գերեզմաններին:

Մայիսի 4-ին ժամը 20-ին Նիդերլանդների բոլոր բնակավայրերում երկարատև հնչեցվեց եկեղեցիների զանգերը: Հիշեցնենք, որ մայիսի 4-ը երկրում նշվում է համաշխարհային երկրորդ պատերազմում և ազգամիջյան հակամարտություններում զոհվածների Հիշատակի օրը: Լուսանկարային տեսաերիզ ստացանք Մաստրիխտից: Ըստ պայմանավորվածության համայնքի սահմանափակ ներկայածուցիչներ ծաղկեպսակ ու ծաղիկներ են խոնարհել Երկրորդ համաշխարհային պատերազմում և այլ հակամարտություններում զոհվածների հիշատակին:

Նիդերլանդահայ համայնքները ավանդաբար նշում են Հիշատակի այս օրը: Այս տարի կորոնավիրուսի կապակցուտյամբ մասսայական միջոցառումներ տեղի չունեցան:

Հիշեցնենք, որ մայիսի 4-ը և 5-ը առանձնակի կարևորությամբ է նշվում Նիդերլանդներում: Մայիսի 4-ը՝ որպես համաշխարհային երկրորդ պատերազմում զոհվածների ազգային Հիշատակման օր է, իսկ 5-ը՝ Ազատագրման օր: Այս երկու օրերից յուրաքանչյուրն առանձնահատուկ է: Եթե Հիշատակման օրը հարգում են 2-րդ աշխարհամարտում և այլ կոմֆլիկտներում զոհվածների հիշատակը, տեղի է ունենում հոգեհանգստյան արարողություն և ծաղկեպսակների զետեղում՝ նահատակվածների շիրիմներին, ապա հաջորդ՝ Ազատագրման օրը, տոնախմբություն է:

     1945թ. այդ օրը Նիդերլանդներն ազատագրվեց գերմանա-ճապոնական օկուպացիայից: Նիդերլանդների Վագենինգեն քաղաքի "Դե Իերելդ" հյուրանոցում ստորագրվեց Գերմանիայի կապիտուլացիայի ակտը: Այդ օրվանից մինչև 1990 թվականը Նիդերլանդներում Ազատագրման օրը նշվում էր յուրաքանչյուր հինգ տարին մեկ: 1987 թվականին հիմնադրված «Մայիսի 4-ի և 5-ի ազգային կոմիտե» -ն, որոշեց 1990 թվականից սկսած տոնն անցկացնել պարբերաբար: Մայիսի 5-ի տոնակատարությունը առիթ է նաև խորհելու ազատության կարևորության մասին, մտածել՝ թե որքան փխրուն է աշխարհի խաղաղությունը:

Հայ համայնքը պարտաճանաչ հիշում է Նիդերլանդներում զոհված հայերին: Հոլանդական դիմադրության շարժմանն աջակցել են ֆաշիստական Գերմանիայի հայկական լեգիոնում ծառայած բազմաթիվ հայ զինվորները: Խորհրդային բանակում ծառայող ՝ ռազմագերիներ համալրել են Հայկական լեգիոնի գումարտակները, որոնք տեղակայված են եղել Զելանդի և Հարավային Հոլանդիայի մարզերի թերակղզիներում:

1944թ դեկտեմբերի 9-ի չարաբաստիկ օրը գերմանացիները բացահայտեցին և Միդելհարնիս բնակավայրի մոտ գնդակահարեցին Գերմանիայի հայկական լեգիոնի 7 հայ զինվորների, ովքեր անհաջող փախուստի փորձ էին կատարել:
    
     Արևմտյան Եվրոպայի Հայրապետական պատվիրակ, Վատիկանում Հայ Առաքելական Եկեղեցու ներկայացուցիչ Գերաշնորհ Տ. Խաժակ Արքեպիսկոպոս Պարսամյանը անգլերենով անդրադարձ է արել Նիդերլանդներում նշվող մայիսի 4-ի' ՀԻՇԱՏԱԿԻ, և 5-ի ԱԶԱՏՈՒԹՅԱՆ օրվան:
     https://www.facebook.com/NidOragir/videos/716435922493756/