Հաշվի առնելով կորոնավիրուսի կանխարգելման անհրաժեշտությունը և ելնելով ստեղծված իրավիճակից, ուսումնական գործընթացն օնլայն կազմակերպելու նպատակով գործարկվել է հեռավար կրթության հարթակ:
Կորոնավիրուսի համաճարակի պատճառով ուսումնական պարապմունքների դադարեցումից անմիջապես հետո Աբովյանի N1 արհեստագործական պետական ուսումնարանում շարունակվում է իրականացվել ուսումնական գործընթացի առցանց կազմակերպումը։
Մասնագիտական առարկաներին զուգընթաց ուսումնարանի ուսանողները անցկացնում են հեռավար ուսուցում նաև Հասարակագիտություն առարկայից:
Ինչպես նշեց ուսումնարանի Հասարակագիտություն առարկայի դասախոս Ժ.Ասլանյանը, հեռավար ուսուցումը ստեղծված է ուսումնական հաստատություններում էլ. ուսուցման ցանկացած ձևի զարգացման և օժանդակման նպատակով, ընդլայնում է դասավանդողների և ունկնդիրների հնարավորությունները և ապահովում ուսումնական հաստատությունների ձգտումը գիտակրթական գործունեության որակի նկատմամբ, ուսումնական գործընթացի յուրաքանչյուր մասնակցին թույլ է տալիս ձևավորել ուսուցման անհատական մուտք:
