Հեռավար ուսուցման ներդրումը պայմանավորված է որակյալ, զանգվածային և անհատականացված կրթություն ապահովելու անհրաժեշտությամբ: Գոյություն ունեցող ուսուցման ձևերը տնտեսական և կազմակերպչական տեսանկյունից թույլ չեն տալիս գործնականում նման կրթություն ապահովել, սակայն hեռավար ուսուցումը, որը հիմնված է տեղեկատվական և հաղորդակցական տեխնոլոգիաների լայնածավալ կիրառման վրա, լուծում է այդ խնդիրը:
Աբովյանի N1 արհեստագործական պետական ուսումնարանի ՙԽոհարարական գործ՚ մասնագիտության տեխնիկական 1-ին կուրսի ուսանողները դասախոս Քրիստինա Ասատրյանի ղեկավարությամբ ուսումնասիրում են Համակարգչային օպերատորության հիմունքներ առարկան:
- Հեռավար ուսուցումը կրթություն ստանալու որակապես նոր ձև է, -ասում է դասախոս Քրիստինա Ասատրյանը և շեշտում, որ այն առաջացել է XX դարի վերջում՝ շնորհիվ տեղեկատվական և հաղորդակցական տեխնոլոգիաների: