SLAQ.am-ը շարունակում է բլից հարցազրույցները քաղաքական դեմքերի հետ: Այս անգամ մեր զրուցակիցն է ԲՀԿ մամուլի խոսնակ Տիգրան Ուրիխանյանը:
-Ո՞ւմ եք աշխարհում ամենաշատը սիրում:
-Ընտանիքիս անդամներին
-Ի՞նչը չեք ների կյանքում:
-Դավաճանությունը
-Տանել չեք կարո՞ղ…
-Սուտը, ստախոսներին, ստախոսների առանձին կատեգորիա՝ ստախոս պաշտոնյաներին:
-Ո՞ւմ եք ամենաշատը հավատում:
-Աստծուն
-Ձեր կյանքի ամենադժվար պահը:
-33 տարի կյանքս բաղկացած է հիմնականում դժվար պահերից:
-Ինչի՞ համար եք ափսոսում:
-Այն ամենի համար, ինչ կարելի էր անել՝ չի արվել, այն ամենի համար, ինչ կարելի էր չանել` արվել է:
-Ամենատարօրինակ դեպքը, որ պատահել է Ձեզ հետ:
-Սև ծովի ափին ճապոնացի աղջիկը, ով խոսում էր հայերեն:
-Ամենատպավորված գրքերից մեկը:
-Էնդրյու Նորտոնի՝ «Սարգասները տիեզերքում»:
-Ինչի՞ մասին եք խորհում հայելու առաջ:
-Հայելու առաջ խորհելու ժամանակ չի լինում:
-Ձեր ամենահամարձակ քայլը:
-Քաղաքականություն մտնելը:
-Ամենամեծ հիասթափությունը, որ ունեցել եք:
-Նախկին, սիրելի աղջկանից բաժանվելը:
-Ինչի՞ց եք վախենում:
-Բաց էլեկտրական լարերից, օձերից, բարձրությունից ու անտարբեր կանանցից:
-Սիրելի արտահայտությունը:
-Մահվանս մասին լուրերը փոքր-ինչ չափազանցված են:
-Ի՞նչը կարող է Ձեզ անսահման երջանիկ դարձնել:
-Այն աղջիկը, որը կհավաքի երկրագնդով մեկ շաղ տված սրտիս բեկորները:
-Մանկության երազանք, որ այդպես էլ իրականություն չդարձավ:
-Ագաթանգեղոսի 7 շենքի երեսպատումը, բարեկարգումը:
-Ի՞նչ կփոխեք Ձեր կյանքում:
-Շատ բան:
Slaq.am - Լրատվական աղբյուր