Խնդրում ենք սպասել...
Այսօր`  երկուշաբթի, 24 փետրվարի, 2020 թ.

Հոդվածներ

Փնտրիր ինձ…

15:08, երկուշաբթի, 27 հունվարի, 2020 թ.
Փնտրիր ինձ…
    
    
    

Պե՛տք չէ ինձ փնտրել սուրճի բաժակի

թանձր մրուրում…

Դու ինձ ման արի հորձանուտներում, որտեղ որ երբե՛ք

Դադար չի լինում:


    

Պե՛տք չէ գրբացի ձեռքերին նայել,

խաղաքարտերում ես վաղո՜ւց չկամ,

Դու ինձ ման արի զգացմունքներում, որտեղ ետդարձի

Ճանապա՛րհ չկա:


    

Դու ինձ մի՛ փնտրիր անցորդների մեջ,

անցորդ չեմ եղել ես պատահական,

Դու ինձ ման արի քո՛ երազներում, որտեղ որ

հյուր եմ եղել մշտական:


    

Ու բա՛վ է վանքի հատակը մաշես,

բա՛վ է ինձ համար Դու մոմեր վառես,

Ես ուրվական չեմ, ես մա՛սնիկն եմ քո ու

սպասում եմ, որ աչքերդ բացես:


    

Ինձ փնտրիր սիրո թա՜նձր լուծույթի ալիքների մեջ

Շփոթվա՜ծ, կորա՜ծ,

Դու ինձ ման արի քո՛ մեջ,

քո՛ սրտում,

ինչո՞ւ ես կանգնել

այդպես մոլորված…


    
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1410 | 0 | 0
Facebook