Խնդրում ենք սպասել...

Հոդվածներ

Որտե՞ղ հանգստանալ ձմռանը

Lilit
Հեղինակ`
Lilit
11:41, հինգշաբթի, 16 հունվարի, 2020 թ.
Որտե՞ղ հանգստանալ ձմռանը
     Դուք դեռ չե՞ք հասցրել մեկնել ձմեռային հանգստի: Հենց Ձեզ համար կազմել ենք ձմեռային մատչելի հանգստի, ամանորյա և ընտանեկան հանգստի լավագույն ուղղություններն ու անհրաժեշտ խորհուրդները. Ընտրեք ձեզ համար ամենահարմար տարբերակը.
    
    

Մատչելի հանգիստ – հայտնի ուղղությունները
    
    

Մադեյրա

Մադեյրան Պորտուգալիայի ինքնավար մարզ է՝ արշիպելագ, որը բաղկացած է 4 կղզիներից. Հայտնի է իր նույնանուն գինով և տաք, մերձարևադարձային կլիմայով. Մադեյրա կղզին հրաբխային է, կանաչ, բարձր ժայռերով, քարախիճ լողափերով և բնակավայրերով՝ Ֆաջի գետի դելտաներում. Հայտնի է իր նավահանգստով և Ամանորի հրավառության մեծ ցուցադրությամբ, ինչը նշանակում է, որ Մադեյրան հրաշալի տարբերակ է նաև Ամանորը դիմավորելու համար. Պորտուգալական Մադեյրա կղզին ավելի մոտ է Աֆրիկայի ափերին, քան Եվրոպային, ուստի ամբողջ տարվա ընթացքում Մադեյրայում տաք է. Մադեյրան նույնիսկ անվանում են հավերժական գարնան կղզի.

Ջերմաստիճանը իջնում է ոչ ավել, քան մինչ +20 աստիճան: Մադեյրան հայտնի է իր գեղեցիկ լանդշաֆտներով և ծաղիկներով. Հատկապես անմոռանալի է բուսաբանական այգին Ֆունչալում. Կարող եք ռոմանտիկ զբոսանք կազմակերպել ջունգլիներում՝ ջրվեժների մոտակայքում. Մադեյրայի հյուսիսը լավագույնն է պասիվ հանգստի սիրահարների համար, կղզու հարավը՝ հարմար է ակտիվ հանգիստ փնտրողների համար. Մադեյրայի լեռնային ճանապարհները փոքր-ինչ վտանգավոր են, հեշտ է արկածախնդրության մեջ ընկնել, այդիսկ պատճառով պետք է զգույշ լինել.

Կամբոջա

Կամբոջան ամենաէժան ուղղություններից մեկն է: Ձմեռը Հարավարևելյան Ասիայի տարածաշրջանում ճանապարհորդելու լավագույն ժամանակն է: Կամբոջան, չնայած տարածված կարծիքների, վտանգավոր երկիր չէ: Չնայած Կամբոջայում հանցագործությունների մեծ ռիսկ կա, մարդկանց մեծամասնությունը անհավատալիորեն ընկերասեր է: Կամբոջա եկող զբոսաշրջիկների մեծ մասի նպատակն է տեսնել Անգկոր Վատը:

Երկրի հյուսիսում տարածված անտառներում պահպանվել են հնագույն շատ տաճարներ, որոնցից ամենահայտնին Սապ լճի հյուսիսում գտնվող Անգկոր Վատ տաճարների ու պալատների համալիրն է (9–13-րդ դարեր) ՝ աստիճանական բուրգերի տեսքով բրահմայական և բուդդայական «տաճար-լեռների» բազմաթիվ համակառույցներով. Բայց միայն Անգկորի լեգենդար տաճարները չեն, որ հետաքրքիր են Կամբոջայում: Հետաքրքիր է երկրի մայրաքաղաք Պնոմ Փենը ՝ գեղեցիկ թագավորական պալատով: Իսկ եթե ցանկանում եք տեսնել ջունգլիների հրաշագեղությունը, ուղևորվեք Հիլդոմ լեռներ:

Կիպրոս

Կիպրոսը գտնվում է Միջերկրական ծովում և զբոսաշրջիկներին գրավում է իր մեղմ կլիմայով, տաք ծովով, հրաշալի լողափերով, որոնք ամբողջ տարին մարդաշատ են, Տրոոդոսի լեռնային առողջարանով, ինչպես նաև բազմաթիվ ու եզակի պատմական հուշարձաններով։ Տարեկան ավելի քան 2, 4 միլիոն զբոսաշրջիկ է այցելում այս երկիր։

Ձմռանը Կիպրոսում տաք է, բայց լողալու համար այնքան էլ հարմար ժամանակ չէ, բայց տեսարժան վայրերը ուսումնասիրելու իսկական ժամանակն է: Արժե այցելել Կիպրոսի մայրաքաղաք Նիկոսիա, Պիսուրի՝ գեղատեսիլ քաղաք, որը գտնվում է կղզու ժայռոտ ափին, Պաֆոսի նավահանգիստը, Բյուզանդական ամրոցը, գոթական ոճով կառուցված Նիկոսիայի և Ֆամագուստայի տաճարները, Սուրբ Իլարիոնի դղյակը և այլն: Կիպրոսը Աֆրոդիտեի կղզին է, որի վրա, ըստ լեգենդի, աստվածուհին ծագել է ծովի փրփուրից: Ձմռանը նաև լավ ժամանակ է Լարնակայի աղի լճի մերձակայքում ֆլամինգոներ տեսնելու համար:

Օվկիանոս, արևադարձային բնություն, տարբերվող մշակույթ և անթիվ տեսարժան վայրեր. սա Բրազիլիան է:

Այցելեք աշխարհի ամենամեծ արևադարձային անտառ ՝ Թիջուկա անտառ: Զգացեք օվկիանոսի ալիքները Ipanema Beach-ում:

Չմոռանաք այցելել հայտնի Maracana մարզադաշտ, որտեղ երկու անգամ տեղի ունեցավ աշխարհի առաջնությունը (1950 և 2014) և 2016-ի Օլիմպիական խաղերի բացումը կատարվեց:

Կտեսնեք նաև աշխարհի ամենամեծ լողացող տոնածառը 85 մետր բարձրության վրա` Laguna Rodrigo de Freitas- ում: Համտեսե՛ք բրազիլական սուրճ Confeitaria Colombo- ում, իսկ ամենահին հրուշակեղենը փորձեք Brahma- ը Lapa Brewery- ում:

Բրազիլիա – Ռիո դե Ժանեյրո

Հայտնի Copacabana լողափ, կառնավալ, լեգենդար ֆուտբոլ՝ այս ամենը Բրազիլիան է: Դուք կարող եք արևահարվել, տեսնել Քրիստոսի հայտնի արձանը Կորկովադո լեռան վրա: Օդի ջերմաստիճանը ձմռանը գրեթե ամբողջ երկրում + 28–29 է:

Նոր տարին Ռիոյում անչափ հետաքրքիր է. բոլոր բնակիչները սպիտակ զգեստներ են հագնում, գալիս են Կոպակաբանա լճի ափ, ծաղիկներ են նետում օվկիանոս և հետևում են հրավառությանը: Իհարկե Նոր Տարին կդիմավորեք առանց ձեր սիրելի Օլիվյե աղցանի, բայց հենց լողափում և ալիքների ձայնի ֆոնին սալսայի ռիթմերի տակ, որը ավելի հետաքրքիր և անմոռանալի է:

Թայլանդ

Թայլանդի ամենատարածված ուղղություններից մեկը Պատտայան է: Մեկ այլ հետաքրքիր վայր է Փխուքեթ կղզին, որը հայտնի է իր սպիտակ լողափերով, մաքուր ջրով և հիանալի կենսապայմաններով: Ինչպես Պատտայան, Փխուքեթը հարմար է ընտանեկան հանգստի, ինչպես նաև ակտիվ հանգստի համար: Կղզում կա ակվարիում, FantaSea- ի զվարճանքի պուրակ ՝ փղերի թատրոնի ցուցադրությամբ, Splash Jungle պուրակը դուր կգա հատկապես երեխաներին:
     Առաջարկվում ենք նաև ուշադրություն դարձնել Թայլանդի հետևյալ քաղաքներին և կղզիներին՝
     Բանգկոկ՝ Թայլանդի մայրաքաղաքն է՝ հակադրությունների քաղաք:
     Սամուին՝ լավագույն լողափերի կղզին է, հարմար է պասիվ հանգստի համար:
     Փխի-փխի կղզին գտնվում է Քրաբի նահանգում՝ բնությունը այստեղ զարմանահրաշ է:
     Եթե մտածում եք, թե որ երկիրն ընտրել ձմեռային ընտանեկան հանգստի համար, Թայլանդը ամենահարմար և հետաքրքիր վայրերից է:

Թայլանդում դուք կգտնեք ամեն ինչ՝ ուղևորություն դեպի ազգային պարկ և հնագույն հուշարձաններ, բուդդայական տաճարներ, հյուրընկալ մարդկանց և էկզոտիկ բնություն:
     Թայլանդի կղզիներում ապրանքների և ծառայությունների գները բավականին ցածր են: 10-15 դոլարով կարող եք գտնել համեստ երկտեղանոց սենյակ: Իսկ մանգոն, պապայան, ռամբուտանը և դուրիանը ամենուր է:
     Անպայման այցելեք Զմրուխտյա Բուդդայի վանքը, որը դարպասներով միացված է թագավորական նստավայրին։ Այստեղ է պահպանվում բուդդայականության սրբություններից մեկը՝ ոսկյա զոհասեղանին նստած Բուդդայի հայտնի արձանը:
     Երեկոյան զբոսնեք Bangla Road փողոցով և այցելեք Simon Cabaret- ի շոու: Կարող եք վարձակալել մոտոցիկլետ և շրջել կղզու շուրջը՝ ճանապարհին հաշվելով Բուդդայի արձանները: Վայելեք իսկական թայ մերսում:
     Կղզու հարավում կարող եք ըմբոշխնել մայրամուտը՝ Promthep Cape- ի ամենագեղեցիկ դիտման հարթակում:

Ինդոնեզիա – Բալի

Ինդոնեզիան հայտնի է իր բնությամբ, հատկապես հրաբուխներով և արգելոցներով, ինչպես նաև հնագույն տեսարժան վայրերով, հիմնականում պալատներով և տաճարներով: Ինդոնեզիայի ամենահայտնի հանգստավայրը Բալին է: Այստեղ դուք կարող եք հանգստանալ լողափում, ճամփորդել, զբաղվել սերֆինգով կամ դայվինգով, մասնակցել էքսկուրսիաների, խմել բարում և փորձել համեղ ինդոնեզիական ուտեստներ: Ուշադրության է արժանի նաև Բորնեոն, որը հայտնի է իր արգելոցներով, իսկ Լոմբոկը հարմար է պասիվ հանգստի համար:

Մասնակցեք էքսկուրսիայի դեպի Ուբուդ: Այցելեք կապիկների անտառ, Կախովի այգիներ և գտեք Բալիի հայտնի իմաստուն ծերունուն, որը հայտնի է «Կեր, աղոթիր, սիրիր» ֆիլմից:

Բալիում կարող եք գնել բրենդավորված իրեր երեք անգամ ցածր գնով, օրինակ Beachwalk առևտրի կենտրոնից: Չմոռանաք փորձել Բալիի համեղ ծովամթերքներն ու պտուղները:

Ահա ներկայացրեցինք ձմեռային հանգիստն անցկացնելու ամենահարմար երկրների ցանկը, իսկ մատչելի թռիչքն իհարկե կապահովի biletix.am կայքը


    
Աղբյուրը` https://cross-sport.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2740 | 0 | 0
Facebook