Խնդրում ենք սպասել...

Հոդվածներ

ԵՊԼՀ-ն և Ոստիկանության կրթահամալիրը 4 տարով հավատարմագրվել են

14:18, հինգշաբթի, 19 դեկտեմբերի, 2019 թ.
ԵՊԼՀ-ն և Ոստիկանության կրթահամալիրը 4 տարով հավատարմագրվել են

Երևանի Վ․ Բրյուսովի անվան պետական լեզվահասարակագիտական համալսարանը և Ոստիկանության կրթահամալիրը ստացել են ինստիտուցիոնալ հավատարմագրում 4 տարի ժամկետով։

Մասնագիտական կրթության որակի ապահովման ազգային կենտրոնում տեղի ունեցավ Հավատարմագրման հանձնաժողովի նիստ։ Օրակարգում երկու ուսումնական հաստատությունների հավատարմագրման հարցն էր։

ԵՊԼՀ-ում արտաքին գնահատում իրականացրած փորձագիտական խմբի ղեկավար Մարգարիտա Պողոսյանը հանձնաժողովին ներկայացրեց բուհի ուժեղ և թույլ կողմերը, նախորդ հավատարմագրման ժամանակ հաստատված բարելավման պլանի իրագործման արդյունքները։ Պողոսյանը նշեց, որ բուհը հիմնականում իրագործել է առաջին հավատարմագրման արդյունքում կազմված թերությունների վերացման ծրագիրը, բուհում նախկինում արձանագրված խնդիրները մեծամասմանբ լուծվել են։ Այնուամենայնիվ, ըստ փորձագետի, բուհը դեռևս անելիքներ ունի, հատկապես հետազոտության և ռեսուրսների տիրույթում։

Ոստիկանության կրթահամալիրում արտաքին գնահատում իրականացրած փորձագիտական խմբի ղեկավար Գագիկ Քթրյանն էլ ներկայացրեց այս ուսումնական հաստատության ուժեղ և թույլ կողմերը, ուսումնական հաստատության կազմած թերությունների վերացման ծրագրի իրատեսականությունը։ Բուհի ներկայացուցիչները շեշտեցին, որ կարևորում են փորձագետների մատուցած յուրաքանչյուր խորհրդատվությունը և պատրաստակամ են քայլեր ձեռնարկելու դրանց իրագործման և ուսումնական հաստատության հետագա բարելավման ուղղությամբ։

Դռնփակ քննարկման և քվեարկության արդյունքում Հավատարմագրման հանձնաժողովը երկու ուսումնական հաստատություններին էլ շնորհեց ինստիտուցիոնալ հավատարմագրում 4 տարի ժամկետով։

Նշենք, որ սա ԵՊԼՀ-ի 2-րդ հավատարմագրումն էր․ բուհն առաջին անգամ 4 տարով ինստիտուցիոնալ հավատարմագրում ստացել էր 2015-ին։


    
Աղբյուրը` www.anqa.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2868 | 0 | 0
Facebook