Սա դեռ սկիզբն է… Սկիզբն է համարվում այն բանի, որ արդեն վաղուց ի վեր տասնյակների հասնող կամազներ բեռնված անվադողերով հասնում են Արցախ` տարբեր դիրքեր: Սկիզբ… Սկիզբ ինչի՝ հույսի, լույսի, անառիկ դիրքեր ունենալու…
Ասում էին անհնար է նման ծրագիր իրականացնել… Գուցե, դեմ չեմ, Բայց միայն ոմանց համար: Սակայն, երբ գործի գլուխ կանգնած է բանիմաց մարդ իր աջակիցներով և կամավորականների հզոր բանակով՝ անհնարն էլ հնարավոր կդառնա: Իսկ դա հենց ինքը՝ Ժորա Աբգարյանն է՝ ՏԻԳՐԱՆ ԱԲԳԱՐՅԱՆ մարտական պատրաստության ակումբի նախագահը, հրթիռաշինության խմբակի համահիմնադիրը և նույն ինքը՝ ապրիլյան պատերազմի անմահ հերոս, քաջ տանկիստ Տիգրան Աբգարյանի եղբայրը:
Այս անգամ էլ մեր շնորհակալությունն, ինչպես միշտ, բոլոր կամավորներինն է, ապա չենք մոռանում նաև Ֆլեշ ՍՊԸ–ին՝ Հրայր Հովսեփյանի գլխավորությամբ, քանզի այստեղից ևս անվադողեր բեռնվեցին և դրանք շարունակական բեռնվելու են։
ՏԻԳՐԱՆ ԱԲԳԱՐՅԱՆ մարտական պատրաստության ակումբի իրադարձությունների մեկնաբան՝ Մարինե Մանուկյան
15.12.2019
