Խնդրում ենք սպասել...

Հոդվածներ

«Աղետների դիմակայության օր» խորագրով ցուցադրական ուսումնավարժություն

14:20, շաբաթ, 07 դեկտեմբերի, 2019 թ.
«Աղետների դիմակայության օր» խորագրով ցուցադրական ուսումնավարժություն
     Սպիտակի երկրաշարժի զոհերի հիշատակի օրվա կապակցությամբ այսօր Կոտայքի մարզպետարանի տարածքում տեղի է ունեցել «Աղետների դիմակայության օր» խորագրով ցուցադրական ուսումնավարժություն, որին հետևել է Կոտայքի մարզպետ Ռոմանոս Պետրոսյանը:
     Թեման ուժեղ երկրաշարժի դեպքում բնակչության պաշտպանության կազմակերպումն էր:
     Ուսումնավարժությանը մասնակցում էին ՀՀ ԱԻՆ Փրկարար ծառայության Կոտայքի մարզային փրկարարական վարչությունը և Հրազդանի թիվ 44 հրշեջ փրկարարական ջոկատը:
     Մինչ ուսումնավարժության մեկնարկը, ԱԻՆ Փրկարար ծառայության Կոտայքի մարզային փրկարարական վարչության պետ Արմեն Ամիրջանյանը և ծառայության ներկայացուցիչները մարզպետին ներկայացրեցին օգտագործվող նյութա-տեխնիակական բազան:
     Խաղարկվում էր մարզի տարածքում՝ Գառնիից 20 կմ հյուսիս-արևմուտք, 8 կմ խորության վրա տեղի ուենցած 5.2 մագնիտուդով երկրաշարժի սյուժե, որի հետևանքով Հրազդան համայնքում առկա են շենք-շինությունների ավերածություններ, իսկ Կոտայքի մարզպետարանի վարչական շենքի երրորդ հարկի արևմտյան կողմում հրդեհ է բռնկվել:
     Խաղարկային սյուժեով ԱԻՆ փրկարար ծառայության մասնագետները ներկայացրեցին, թե ինչպե՞ս է նման իրավիճակում կազմակերպվում քաղաքացիների պաշտպանությունը, տարհանումը անվտանգ վայրեր:
     Մարզպետը նշեց, որ նմանատիպ ուսումնավարժությունների պարբերական անցկացումը չափազանց կարևոր է՝ միտված և՛ քաղաքացիների իրազեկվածության բարձրացմանը, և՛ արտակարգ իրավիճակների պարագայում արագ կողմնորոշմանն ու քաղաքացիների պաշտպանության ճիշտ, նպատակային կազմակերպմանը:
    
    
    
http://kotayk.mtad.am
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1388 | 0 | 0
Facebook