Խնդրում ենք սպասել...

Հոդվածներ

Վիվասել-ՄՏՍ-ի կողմից 2019թ. հունվար-սեպտեմբերին մուծված հարկերի մասին

ԲԻԶՆԵՍ 24
Մամուլի խոսնակ`
ԲԻԶՆԵՍ 24
20:28, երկուշաբթի, 18 նոյեմբերի, 2019 թ.
Վիվասել-ՄՏՍ-ի կողմից 2019թ. հունվար-սեպտեմբերին մուծված հարկերի մասին

«Բիզնես 24» -ի հարցմանն ի պատասխան ՄՏՍ Հայաստան ընկերությունից ներկայացվել է պարզաբանում՝ ընկերության հարկային պարտավորությունների ծավալների մասին։ Ներկայացնում ենք պարզամանումն ամբողջությամբ։

2019 թվականի առաջին երեք եռամսյակների ընթացքում ՀՀ պետական բյուջե իրականացված հարկային պարտավորությունների ցուցանիշներով ՀՀ Պետական եկամուտների կոմիտեի կողմից հրապարարակվող խոշոր հարկ վճարողների ցանկում ՎիվաՍել-ՄՏՍ-ի (ՄՏՍ Հայաստան ՓԲԸ) կողմից զբաղեցվող 16-րդ հորիզոնականի վերաբերյալ ՎիվաՍել-ՄՏՍ-ին ուղղված հարցադրումների առնչությամբ հարկ ենք համարում պարզաբանել, որ հաշվետու ժամանակահատվածում (2019թ. հունվար-սեպտեմբեր) իրականացրած հարկային պարտավորություններից բացի` դրան նախորդող շրջանում ՎիվաՍել-ՄՏՍ-ի կողմից պետական բյուջե է կատարվել 5 միլիարդ դրամի գերավճարը:

Հետևաբար, հաշվետու ժամանակահատվածի վերջի դրությամբ ՎիվաՍել-ՄՏՍ-ի կողմից հարկային պարտավորությունների կատարման մասով ՀՀ պետական բյուջե է փաստացի փոխանցվել 11.6 միլիարդ դրամ:

Հաշվի առնելով վերոգրյալը՝ ՎիվաՍել-ՄՏՍ-ը խոշոր հարկատուների վերը նշված ցուցակում կզբաղեցներ ոչ պակաս, քան 6-րդ հորիզոնականը՝ իրականացված հարկային պարտավորությունների չափերով հանդիսանալով հեռահաղորդակցության ոլորտի առաջատարը:

ՎիվաՍել-ՄՏՍ-ը նաև հարկ է համարում տեղեկացնել, որ ընկերության կողմից պետական բյուջե նախկինում կատարված գերավճարների «մաշեցումն» իրականացվում է 2017թ-ի դեկտեմբերից:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1724 | 0 | 0
Facebook