Խնդրում ենք սպասել...

Հոդվածներ

Ինչպես է Քոչարյանը շահարկել եւ շահարկում Արցախը

Artak Vardanyan
Հեղինակ`
Artak Vardanyan
00:33, ուրբաթ, 18 հոկտեմբերի, 2019 թ.
Ինչպես է Քոչարյանը շահարկել եւ շահարկում Արցախը


    
    
     Ռոբերտ Քոչարյանի շուրջ հավաքված մի խումբ նախկին գործիչներն ու քարոզչամիջոցները այսօր ակտիվորեն զբաղված են Արցախի եւ Հայաստանի միջեւ հարաբերությունները լարելուն միտված հայտարարություններ անելով, եւ այդ հայտարարությունների մեխն այն է, թե Հայաստանի իշխանությունները, ունենալով «անծայրածիր իշխանություն Հայաստանում, փորձում են ազդեցությունը սփռել Արցախի վրա» (Վիկտոր Սողոմոնյան), որ Հայաստանը փորձում է խառնվել Արցախի ներքն գործերին, որի իրավունքը չունի, որ Արցախը անկախ է, պետք է ունենանք երկու հայկական պետություն, եւ որ որեւէ մեկը իրավունք չունի հայտարարել է, թե Արցախը պիտի Հայաստանի մաս կազմի: Վերջին օրերին այս թեզերի տարածման ավանգարդի դերում հանդես է գալիս գեներալ, Արցախի անվտանգության խորհրդի նախկին քարտուղար Վիտալի Բալասանյանը, որն անգամ հայտարարեց, թե «ՀՀ ԱԱԾ-ն իրավունք չունի Արցախում հաշվառված քաղաքացուն բերման ենթարկել»:


     Այս հայտարարությունների ուշագրավությունն ամենեւին էլ դրանց բովանդակությունը չէ: Եւ ոչ էլ, մեծ հաշվով, այստեղ կապ ունեն վարչապետ Փաշինյանի անձը կամ նրա մոտեցումներն ու հայտարարությունները:

Այս հայտարարություններն ուշագրավ են ամբողջականության մեջ՝ Արցախի հարցում քոչարյանական քարոզչության ամբողջականության մեջ: Ավելի կոնկրետ՝ այն, թե ինչպես են այդ անձն ու նրա շուրջ հավաքված մի խումբ մարդիկ օգտագործել եւ օգտագործում Արցախն ու Արցախի հարցը ՝ իրենք քաղաքական նպատակների համար:

Իսկ ավելի կոնկրետ՝ մարդը մշտապես ապացուցել է, որ երբ իրեն պետք է՝ Արցախը Հայաստանի մաս է, երբ իրեն պետք է՝ Արցախն անկախ է:
    
    

1998/2003. Արցախը Հայաստան է
    
    

1998 թվականի նախագահական ընտրություններում Ռոբերտ Քոչարյանի առաջադրումն, ինչպես հայտնի է, քաղաքական շրջանակներում մեծ իրարանցում էր առաջացրել, մասնավորապես՝ կապված նրա քաղաքացիության հետ: «Ա1+» հեռուստաընկերությանը տված հարցազրույցում ինքը Քոչարյանը հայտարարեց, թե սկզբում չէր ցանկանում առաջադրվել, բայց առաջադրվեց, երբ իրավաբանները հինավորեցին, որ իր գրանցման հետ խնդիր չկա:

Աղբյուրը` ilur.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1604 | 0 | 0
Facebook