Բժիշկ Գևորգ Գրիգորյանն իր ֆեյսբուքյան էջում գրում է. «Մի չարացեք իրար նկատմամբ: Սա ընդամենը քաղաքականություն է` անցողիկ վիճակ, որը դեռ մի քանի անգամ կրկնվելու է...:
Մի չարացեք իրար նկատմամբ, ոչովհետև դուք դեռ այս երկնքի տակ, այս հողի վրա, այս երկրում դեռ կյանք ունեք ապրելու իրար հետ և պետք է բարոյական իրավունք ունենալ իրար աչքերի մեջ նայելու համար...
Մի չարացեք իրար նկատմամբ: Քաղաքական հայացքը պատճառ չէ, որ ատեք միմյանց... քաղաքական հայացքը երաժշտության նման բան է: Դուք չեք ատում կլասիկ երաժշտություն նախընտրողին, նույնիսկ եթե դուք նախընտրում եք պանկ-ռոք:
Մի չարացեք իրար նկատմամբ: Պետք չէ ձեր ակնկալիքների բացակայության պատճառը կամ ձեր հիասթափությունը փնտրել այլ մարդկանց մեջ և փորձել գտնել մեղավորների: Այդ ակնկալիքները այլևս թերթած էջեր են և պետք է կենտրոնանալ ապագայի` դրականի և շենացնելու վրա:
Մի չարացեք իրար նկատմամբ, քանի որ միայն համախմբվածությամբ է հնարավոր շենացնել և կառուցել, վերականգնել և արարել, բուժել և առողջացնել...
Մի չարացեք... իշխանությունը անցողիկ է, իսկ մարդկությունը` մնայուն:
Եղեք մարդ:
Հարգանքով,
բժիշկ Գրիգորյան»: