Խնդրում ենք սպասել...
Այսօր`  շաբաթ, 21 սեպտեմբերի, 2019 թ.

Հոդվածներ

Սատանի ձագին մեռոնով չօծես

07:40, չորեքշաբթի, 21 օգոստոսի, 2019 թ.
Սատանի ձագին մեռոնով չօծես
     Սատանի ձագին մեռոնով չօծես,
     Նա չար հայացքից երկուսը ունի,
     Ծփալու նման հուզված կկոծես,
     Ծովին թող թվա փաթիլն ես ձյունի։
     Ցած գալով էլ է բյուրեղը բյուրեղ,
     Քանի չես հալվել ճերմակ կթվաս,
     Հողի պես պապակ շուրթերիդ հյութեղ
     Սառած ժպիտս համբույր էր թթվաշ։
     Ամեն բան գալիս հանգում է վերջին,
     Սիրո պես անուր տաղտուկս է միայն,
     Ի՞մն է, թե՞ քոնը, ծպտունն իր հերթին
     Առաջն առնողի կերպն է շարաձայն։
     Շատերից արագ և ամենքից վեր,
     Բայց որքա՞ն հեռու՝ դժվար է դատել,
     Ու՞մ խաղի մեջ ենք՝ դու, ես՝ ալեհեր,
     Ջրի պատվարը պատվերով հատել։
     Աշնան մախմուրը ոսկու նման է,
     Եվ անգին գանձ է բառերի ոսկին,
     Սատանի համար ձագն աննման է,
     Որ չար հայացքից էլ ոչ մեկ չունի։
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1852 | 0 | 0
Facebook
COMMENT.am